محکمہ موسمیات کے مطابق راولپنڈی کا مطلع اس وقت ابرآلود ہے اور شہر کے مختلف علاقوں میں تیز بارش کا امکان ہے، جبکہ بارشوں کے باعث نشیبی علاقوں میں پانی جمع ہونے اور شہری مشکلات میں اضافے کا خدشہ ظاہر کیا گیا ہے۔
موسلا دھار بارش کی پیشگوئی کے بعد واسا راولپنڈی نے بھی ہنگامی انتظامات مکمل کرلیے ہیں۔ واسا حکام کے مطابق نشیبی علاقوں میں اضافی ٹیمیں تعینات کردی گئی ہیں، جبکہ نکاسی آب کے عمل کو مؤثر بنانے کے لیے ضروری مشینری اور عملہ بھی الرٹ رکھا گیا ہے۔
حکام کا کہنا ہے کہ نالہ لئی اور شہر کے دیگر نالوں کی مسلسل نگرانی کی جا رہی ہے تاکہ بارش کے دوران پانی کی سطح میں اضافے کی صورت میں بروقت اقدامات کیے جاسکیں۔
نالہ لئی کے اطراف ریسکیو 1122، واسا اور سول ڈیفنس کا عملہ بھی تعینات کردیا گیا ہے۔ متعلقہ اداروں کو ہدایت کی گئی ہے کہ بارش کے دوران صورتحال پر کڑی نظر رکھی جائے اور کسی بھی ہنگامی صورتحال کی صورت میں فوری کارروائی کی جائے۔
واسا حکام کے مطابق شہر کے نشیبی علاقوں میں خصوصی نگرانی کی جا رہی ہے، جبکہ پانی جمع ہونے کی شکایات کی صورت میں نکاسی آب کے لیے اضافی عملہ اور مشینری فوری طور پر متاثرہ علاقوں میں منتقل کی جائے گی۔
انتظامیہ کی جانب سے نالہ لئی سمیت تمام چھوٹے بڑے نالوں کی مانیٹرنگ جاری ہے۔ بارش کے باعث ندی نالوں میں پانی کی سطح بڑھنے کے خدشے کے پیش نظر متعلقہ اداروں کو ہائی الرٹ رہنے کی ہدایت کی گئی ہے۔
ہنگامی صورتحال کے پیش نظر واسا اور متعلقہ اداروں کے عملے کی چھٹیاں بھی منسوخ کردی گئی ہیں تاکہ کسی بھی ممکنہ ہنگامی صورتحال سے نمٹنے کے لیے عملہ ہر وقت دستیاب رہے۔
ریسکیو حکام اور سول ڈیفنس کے اہلکاروں کو بھی حساس مقامات پر موجود رہنے کی ہدایت کی گئی ہے، جبکہ شہریوں کو نالہ لئی اور دیگر برساتی نالوں کے قریب غیر ضروری طور پر جانے سے گریز کرنے کا کہا گیا ہے۔
انتظامیہ کا کہنا ہے کہ بارش کے دوران ٹریفک کی روانی متاثر ہونے اور بعض نشیبی علاقوں میں پانی جمع ہونے کا امکان ہے، اس لیے شہری غیر ضروری سفر سے گریز کریں اور شدید بارش کی صورت میں احتیاطی تدابیر اختیار کریں۔
محکمہ موسمیات نے شہریوں کو مشورہ دیا ہے کہ بارش کے دوران بجلی کے کھمبوں، درختوں اور دیگر خطرناک مقامات سے دور رہیں، جبکہ موٹر سائیکل سوار خصوصی احتیاط کریں۔
راولپنڈی انتظامیہ اور واسا حکام کے مطابق بارش کے دوران صورتحال کی مسلسل نگرانی کی جائے گی اور شہریوں کو نکاسی آب یا کسی بھی ہنگامی صورتحال میں فوری امداد فراہم کرنے کے لیے متعلقہ ادارے متحرک رہیں گے۔
