لائیوخیبر پختونخوا میں ایمرجنسی اور گورنر راج کے صدارتی فرمان پارلیمنٹ سے منظور، اپوزیشن کا احتجاج؛ محسن نقوی نے مذاکرات کی ناکامی کی ذمہ داری پی ٹی آئی پر ڈال دی
پارلیمنٹ کے مشترکہ اجلاس نے خیبر پختونخوا میں ایمرجنسی اور گورنر راج سے متعلق صدارتی فرمان کثرتِ رائے سے منظور کر لیے۔ اسپیکر قومی اسمبلی سردار ایاز صادق کی زیرِ صدارت ہونے والے اجلاس میں وفاقی وزیر برائے پارلیمانی امور طارق فضل چوہدری نے منظوری کے لیے تحریک پیش کی، جس کے حق میں 214 جب کہ مخالفت میں 56 ووٹ آئے۔ اجلاس کے دوران اپوزیشن نے احتجاج بھی کیا۔ اجلاس میں پشاور کے ایک نجی اسکول کی چھت گرنے کے واقعے میں بچوں سمیت متعدد افراد کی ہلاکت پر افسوس کا اظہار اور جاں بحق افراد کے ایصالِ ثواب کے لیے دعا بھی کی گئی۔
