لائیوبحری ناکہ بندی کے بعد امریکی فوج کی اب ایرانی زمینی تجارت بھی محدود کرنے کی تیاریاں
امریکی فوج ایران کے خلاف جاری بحری ناکہ بندی کا دائرہ بڑھاتے ہوئے ایک نئی ٹاسک فورس قائم کر رہی ہے، جس کا مقصد ایران کی زمینی سرحدوں اور بحیرہ کیسپین کے راستے جدید ہتھیاروں اور دیگر ممنوعہ سامان کی نقل و حرکت روکنا ہے۔ خبر رساں ادارے روئٹرز کو موصول ہونے والے ایک بیان کے مطابق امریکی سینٹرل کمانڈ (سینٹکام) سنیچر کو نئی ٹاسک فورس کے قیام کا باضابطہ اعلان کرے گی۔ رپورٹ کے مطابق اس سے قبل اس فورس کے قیام سے متعلق کوئی اطلاع سامنے نہیں آئی تھی۔
