لائیوسعودی عرب کو اپنی سرزمین اور شہریوں کے دفاع کا مکمل حق حاصل ہے، پاکستان
پاکستان نے اقوام متحدہ کی سلامتی کونسل میں حوثی ملیشیا کے حملوں کی مذمت کرتے ہوئے سعودی عرب کی خودمختاری، سلامتی اور علاقائی سالمیت کے لیے مکمل حمایت کا اعادہ کیا ہے۔ پاکستانی مندوب نے سعودی قیادت، حکومت اور عوام کے ساتھ یکجہتی کا اظہار کرتے ہوئے کہا کہ سعودی عرب کو اپنی سرزمین اور شہریوں کے دفاع کا مکمل حق حاصل ہے اور پاکستان اس حق کی حمایت کرتا ہے۔ انہوں نے زور دیا کہ خطے میں کشیدگی کے خاتمے اور امن و استحکام کے لیے تمام فریقین کو ذمہ دارانہ کردار ادا کرنا چاہیے، جبکہ یمن کے تنازعے کا مستقل حل نکالنے کے لیے جامع سیاسی عمل، مذاکرات اور باہمی مفاہمت ناگزیر ہیں۔
