ایران اور اسرائیل کے درمیان جنگ بندی کیسے ہوئی؟ سوشل میڈیا پر میمز کا طوفان

مشرق وسطیٰ کی دہکتی آگ پر بظاہر ایک غیر متوقع ٹھنڈی لہر آ گئی ہے۔ سابق امریکی صدر ڈونلڈ ٹرمپ کے اچانک اعلان نے عالمی برادری کو حیرت میں ڈال دیا ہے۔ ان کے مطابق ایران اور اسرائیل کے درمیان ایک عبوری جنگ بندی پر اتفاق ہو گیا ہے، جو 24 گھنٹوں پر مشتمل مرحلہ وار عمل کے تحت نافذ العمل ہے۔

ٹرمپ نے یہ اعلان اپنے سوشل میڈیا پلیٹ فارم “ٹروتھ سوشل” پر کیا اور دنیا کو مخاطب کرتے ہوئے کہا کہ جنگ بندی اب مؤثر ہو چکی ہے، براہِ کرم اسے توڑنے کی کوشش نہ کریں!

ان کا انداز ہمیشہ کی طرح ڈرامائی تھا اور جو شرائط و ضوابط جنگ بندی میں رکھے گئے ہیں وہ ویسے ہی عقل سے عاری معلوم ہوتے ہیں جہاں ایک فریق 12 گھنٹے پہلے جنگ بند کرے گا جب کہ دوسرا 12 گھنٹے بعد جنگ بند کردے گا۔

جہاں ماہرین اس جنگ بندی کے حوالے سے تشویش کا اظہار کررہے ہیں، وہیں سوشل میڈیا صارفین نے اس موقعے کو مزاح کے خوبصورت ہتھیار سے بھر دیا ہے۔کچھ نے طنزیہ انداز اپنایا ہے تو کچھ نے مزاحیہ انداز میں تنقید کی ہے۔

ایک صارف نے ایکس پر لکھا ہے کہ ایران اور اسرائیل کے درمیان جنگ بندی پر اتفاق ہو گیا ہے۔ اس تاریک وقت کے دوران مارک لیون کے لیے خیالات اور دعائیں۔

Iran and Israel have an agreed to a ceasefire.

Thoughts and prays for Mark Levin during this dark time.

— Mostly Peaceful Memes (@MostlyPeacefull) June 23, 2025

سوشل میڈیا پلیٹ فارم فیسبک پر ایک صارف نے کہا ہے کہ چوہدری ٹرمپ دو ایوانوں کے درمیان صلح کرانے کی کوشش میں اپنی تذلیل کر رہے ہیں۔

ایک صارف نے کہا ہے کہ ایران نے اسرائیل کے خلاف میزائل بھیجنے کے بعد اب جنگ بندی پر رضامندی ظاہر کر دی ہے۔

Iran now agreed to #ceasefire after sending missiles against Israel #Beersheba #qatar #Doha
Middle east #IranIsraelConflict #IsraeliranWar pic.twitter.com/i6QiTJo44b

— 👑Che_Krishna🇮🇳💛❤️ (@CheKrishnaCk_) June 24, 2025

ایکس پر ایک صارف نے انڈین سیزن مرزاپور کا ایک پوسٹر شیئر کرتے ہوئے لکھا ہے کہ ایران اور اسرائیل کے جنگ بندی کے اعلان کے بعد ایران کی عسکری قیادت اور ایٹمی سائنسدان یہ کہہ رہے ہیں۔

*Iran and israel announce ceasefire*

Iran's military leadership and nuclear scientists: pic.twitter.com/MCgHABRiU8

— anas tipu (@teepusahab) June 23, 2025

ایک اور صارف نے حیرانگی کا اظہار کرتے ہوئے لکھا کہ اسرائیل اور ایران نے جنگ بندی کا اعلان کر دیا لیکن اسرائیل فلسطین پر بمباری اور حملے بند نہیں کر سکتا؟ اوہ اوہ ٹھیک ہے۔

israel and iran ceasefire announced but israel can’t stop bombing and attacking palestine ??? oh oh okay pic.twitter.com/9TCEPvCRLs

— matt ☆ (@mattxkerr) June 23, 2025

بین الاقوامی سفارتی حلقے اب بھی اس اعلان پر محتاط رویہ اختیار کیے ہوئے ہیں۔ اقوامِ متحدہ، یورپی یونین اور دیگر عالمی اداروں نے ابھی تک اس اعلان پر کوئی باضابطہ ردعمل نہیں دیا۔

ذہن نشین رہے کہ یہ اعلان ایک نازک وقت پر آیا ہے، جب دنیا ایک نئی عالمی جنگ کے خدشے سے دوچار تھی۔ ٹرمپ کا قدم یا تو واقعی ایک عارضی امن کی راہ ہموار کر سکتا ہے، یا پھر یہ بھی ان کے سابقہ ڈرامائی اقدامات کی طرح صرف میڈیا اسٹنٹ ثابت ہوگا۔

ایک بات تو طے ہے کہ جب بھی عالمی سیاست غیر متوقع موڑ لیتی ہے، سوشل میڈیا اپنی “میم مشین” ضرور چلا دیتا ہے۔ اور اس بار بھی کچھ مختلف نہیں ہوا۔