انڈیا نے اتوار کے روز ایک سنسنی خیز فائنل میں نیوزی لینڈ کو 4 وکٹوں سے شکست دے کر اپنا تیسرا آئی سی سی چیمپئنز ٹرافی ٹائٹل جیت لیا۔
یہ جیت نہ صرف ٹرافی کے ساتھ منائی گئی بلکہ انڈین کھلاڑیوں کو ایک خاص “سفید کوٹ” بھی دیا گیا، جو ان کی محنت اور کامیابی کی علامت سمجھا جاتا ہے۔
فائنل دبئی انٹرنیشنل کرکٹ اسٹیڈیم میں کھیلا گیا، جہاں نیوزی لینڈ کے کپتان مچل سینٹنر نے ٹاس جیت کر پہلے بیٹنگ کا فیصلہ کیا۔
نیوزی لینڈ نے 252 رنز کا ہدف دیا، جو انڈیا نے 49 اوورز میں 6 وکٹوں کے نقصان پر حاصل کر لیا۔
چیمپئنز ٹرافی کی فاتح ٹیم کے ہر کھلاڑی کو خاص سفید کوٹ دیا جاتا ہے، جس پر آئی سی سی چیمپئنز ٹرافی کا لوگو اور سنہری بٹن لگے ہوتے ہیں۔
یہ کوٹ چیمپئنز کی محنت، لگن اور کامیابی کی نشانی کے طور پر دیے جاتے ہیں۔
چیمپئنز ٹرافی 1998 میں شروع ہوئی، لیکن سفید کوٹ دینے کی روایت 2009 میں جنوبی افریقہ میں چھٹے ایڈیشن کے دوران متعارف کرائی گئی۔
2009 میں آسٹریلیا پہلی ٹیم بنی جسے یہ کوٹ دیا گیا۔ 2013 میں بھارت نے انگلینڈ کو شکست دے کر سفید کوٹ حاصل کیا۔ 2017 میں پاکستان نے بھارت کو شکست دے کر یہ اعزاز حاصل کیا۔
یہ کوٹ چیمپئنز کی کامیابی کا خاص نشان ہے، جو ان کے عزم اور محنت کی پہچان بن چکا ہے۔
