وزیراعظم محمد شہباز شریف نے انڈیا کی جانب سے پاکستان کے پانچ مقامات پر کیے گئے حملے کو “بزدلانہ جارحیت” قرار دیتے ہوئے شدید الفاظ میں مذمت کی۔
انہوں نے واضح کیا کہ “یہ بلا اشتعال حملہ ہرگز بے جواب نہیں رہے گا، فیصلہ کن ردعمل جاری ہے۔”
وزیراعظم نے قوم سے کہا کہ “پاکستان کی عوام اور مسلح افواج دشمن کے ہر چیلنج کا مقابلہ کرنے کو تیار ہیں۔ ہمارا عزم پہاڑوں سے زیادہ مضبوط ہے۔”
انہوں نے زور دے کر کہا کہ “دشمن کو اپنے مذموم مقاصد کبھی بھی حاصل نہیں ہونے دیں گے۔”
قوم کے جذبات کو مزید ابھارتے ہوئے شہباز شریف نے کہا کہ “ہمارے بہادر جوانوں اور افسران پر فخر ہے ہماری دعائیں اور نیک تمنائیں ان کے ساتھ ہیں۔”
واضح رہے کہ پاکستانی فوج نے پہلے ہی چوکس حالت اختیار کر لی ہے اور ردعمل کی تیاریاں عروج پر ہیں۔
