پاکستان کے فوجی دستوں نے ڈیرہ اسماعیل خان میں تین مختلف جگہوں پر آپریشن کیا ہے، مجموعی طور پر 9 بھارتی اسپانسرڈ دہشت گردوں کو ہلاک کیا گیا ہے۔
آئی ایس پی آر کے مطابق ڈیرہ اسماعیل خان میں 4بھارتی اسپانسرڈ خوارج واصلِ جہنم کر دیے گئے جبکہ ٹانک میں سیکیورٹی فورسز نے کامیاب آپریشن کرتے ہوئے 2 خوارج کو ہلاک کیا۔
مزید پڑھیں: خاموش سمندری جنگجو: پاکستان کا آگسٹا 90 بی اور انڈیا کا آریہنت، زیرِ سمندر کس کی طاقت فیصلہ کن ہے؟
خیبر کے علاقے باغ میں کارروائی میں 3 بھارتی حمایت یافتہ خوارج مارے گئے۔
آئی ایس پی آر کے مطابق مارے گئے تمام خوارج دہشتگردی کی متعدد وارداتوں میں ملوث تھے، مارے گئے خوارج سے اسلحہ و گولہ بارود بھی برآمد کیا گیا۔
ترجمان پاک فوج کے مطابق علاقے میں خوارج کے مکمل خاتمے کے لیے سرچ اور سینیٹائزیشن آپریشن جاری ہے۔
وفاقی وزیرداخلہ محسن نقوی نے خیبرپختونخوا کے مختلف علاقوں میں بھارتی سپانسرڈ خوارج کے خلاف کامیاب آپریشنز پر سکیورٹی فورسز کو خراج تحسین پیش کیا ہے ۔
وزیرداخلہ محسن نقوی نے فتنہ الہندوستان کے دہشتگردوں کو جہنم واصل کرنے پر سکیورٹی فورسز کی پیشہ وارانہ صلاحیتوں کو سراہا۔
انہوں نے کہا کہ سکیورٹی فورسز نے بروقت کارروائی کرکے 9 بھارتی سپانسرڈ دہشتگردوں کو عبرتناک انجام تک پہنچایا۔ سکیورٹی فورسز نے بھارتی سپانسرڈ 9 خوارجی دہشتگردوں کو ہلاک کرکے نمایاں کامیابی حاصل کی ہے۔
محسن نقوی نے کہا کہ بھارتی سپانسرڈ خوارجیوں کو عبرتناک انجام تک پہنچانے والے سکیورٹی فورسز کے بہادر سپوتوں کو سلام پیش کرتے ہیں پاکستان کی بہادرسکیورٹی فورسز پر ہر پاکستانی کو ناز ہے۔
