وادی کاغان کی خوبصورتی دیکھنے کی خواہش باپ بیٹے کو موت کی وادی میں لے گئی، مرنے والوں میں ایک تیسرا سیاح بھی شامل ہے۔
یہ واقعہ وادی کاغان میں سوہنی آبشار ناران کے مقام پر گلیشیئر کا ایک حصہ بیٹھنے کی وجہ سے پیش آیا جہاں گلیشیئر کے نیچے تصویر بنانے والے باپ بیٹے سمیت 3 سیاح جاں بحق ہوگئے۔
ذرائع کے مطابق حادثے کے شکار سیاحوں کا تعلق لاہور کے علاقے مغل پورہ سے بتایا جارہا ہے، حادثے میں جاں بحق ہونے والوں میں 35 سالہ طاہر، 13 سالہ ابو بکر اور 22 سالہ طیب شامل ہیں۔
افسوسناک حادثے پر صوبائی مشیر سیاحت زاہد چن زیب نے گہرے دکھ اور افسوس کا اظہار کیا ہے۔
مزید پڑھیں: نیتن یاہو کی اسرائیلی حکومت خطے میں امن کے لیے بڑی رکاوٹ ہے، ترک صدر
انہوں نے سیاحوں کو غیر مستحکم علاقوں میں جانے اور سیلفیاں لینے سے گریز کی ہدایت کرتے ہوئے کہا کہ سیاحتی مقامات پر احتیاطی تدابیر کی اہمیت اجاگر کی جائے گی۔
اس کے علاوہ زاہد چن زیب نے سیاحتی مقامات پر حفاظتی اقدامات مزید مؤثر بنانے کی بھی ہدایت کی ہے۔
