ایران پر حالیہ امریکی حملے نے مشرق وسطیٰ میں کشیدگی کو نئی شدت دے دی ہے اور عالمی سطح پر طاقت کے توازن کو متزلزل کر دیا ہے۔ اس حملے کے بعد ایک اہم سوال یہ ابھرتا ہے کہ کیا امریکا اور اس کے اتحادی اب خطے کے دیگر ممالک کی جانب بھی متوجہ ہوں گے؟
خاص طور پر پاکستان، جو جوہری طاقت کا حامل ملک ہے اور جغرافیائی طور پر ایک حساس مقام پر واقع ہے، کیا آنے والے دنوں میں براہِ راست یا بالواسطہ دباؤ کا شکار ہو سکتا ہے؟
پاکستان کی چین اور ایران سے قربت، افغانستان کی صورتحال، اور خطے میں بدلتی عالمی صف بندیاں اس خدشے کو مزید تقویت دیتی ہیں۔
ایسے میں یہ جاننا نہایت اہم ہو گیا ہے کہ ایران پر امریکی حملے کے بعد کیا پاکستان بھی عالمی طاقتوں کی نظریں اپنے اوپر محسوس کر رہا ہے؟ اور اگر ہاں، تو اس کے سیاسی، عسکری اور سفارتی اثرات کیا ہو سکتے ہیں؟
