لاہور میں پاک فوج کے شعبہ تعلقات عامہ کے ڈائریکٹر جنرل لیفٹیننٹ جنرل احمد شریف چودھری نے کنگ ایڈورڈ میڈیکل یونیورسٹی کا دورہ کیا ہے۔
آئی ایس پی آر کے مطابق دورے کے دوران ڈی جی آئی ایس پی آر نے طلبہ سے خطاب کرتے ہوئے آپریشن بنیان مرصوص میں پاک فوج کی حکمت عملی اور اس کی کامیابیوں پر روشنی ڈالی۔
معرکہ حق میں فتح مبین میں عوام کی حمایت بالخصوص نوجوانوں کا کردار اہم رہا۔
انہوں نے کہا کہ بلوچ عوام پاکستان کے ساتھ تاریخ مذہب ثقافت اور روایت کے رشتوں میں جُڑی ہوئی ہے۔مٹھی بھر دہشت گرد بلوچستان سمیت پاکستان کی مجموعی ترقی اور خوشحالی کا راستہ نہیں روک سکتے۔
ڈی جی آئی ایس پی آر نے کہا کہ کشمیر پاکستان کی شہ رگ تھا، ہے اور رہے گا۔ انہوں نے طلبہ کو قومی یکجہتی امن اور ترقی کے لیے مثبت کردار ادا کرنے کی ضرورت پر زور دیا۔
یونیورسٹی انتظامیہ اور طلبہ نے ڈی جی آئی ایس پی آر کا استقبال کیا اور قومی سلامتی کے امور پر ان کے خیالات کو سراہا۔
طلبہ و طالبات اور فیکلٹی ارکان نے اس موقع پر افواج پاکستان کو خراج تحسین پیش کیا اور ایسے مزید سیشنز کے انعقاد کی خواہش کا اظہار کیا۔
واضع رہے کہ ان کے دورے کا مقصد نوجوانوں کو پاکستان کی سکیورٹی صورتحال اور قومی یکجہتی سے متعلق آگاہی دینا تھا۔
