انڈیا: اداکار کلابھاون نواس اچانک چل بسے

انڈیا کی ملیالم فلم انڈسٹری کے 51 سالہ معروف اداکار کلابھاون نواس چل بسے۔

انڈین میڈیا کے مطابق انڈین  اداکار کی لاش کوچی میں ان کے ہوٹل کے کمرے سے ملی، وہ فلم کی شوٹنگ کے لیے کوچی میں موجود تھے۔

رپورٹس میں کہا گیا ہے کہ اداکار کو شیڈول کے مطابق کمرہ خالی کرنا تھا، تاہم چیک آؤٹ نہ ہونے پر ہوٹل اسٹاف نے کمرہ چیک کیا تو اداکار بے ہوش پائے گئے، جنہیں فوری طور پر اسپتال منتقل کیا گیا، جہاں ڈاکٹروں نے ان کو مردہ قرار دیا۔

پولیس کے مطابق اداکار  کے کمرے سے کوئی مشکوک چیز نہیں ملی ہے، تاہم ان کی موت کی وجوہات سامنے نہیں آسکی ہیں اور حتمی رپورٹ پوسٹ مارٹم کے بعد ہی معلوم ہوگی۔

خیال رہے کہ اداکار کلابھاون نواس نے 1995 میں فلمی کیرئیر کا آغاز کیا اور  کئی فلموں میں اداکاری کے جوہر دکھائے ہیں، جن میں ہٹلر برادرز، جونیئر منڈارسمیت کئی فلمیں شامل ہیں۔