قافلۂ شہداء میں ایک اور عظیم اضافہ، حماس کے فوجی کمانڈر محمد السنوار شہید ہوگئے

حماس کے عسکری ونگ عزالدین القسام بریگیڈز نے اپنے فوجی سربراہ کمانڈر محمد السنوار کی شہادت کی تصدیق کر دی ہے۔

القسام بریگیڈز کی جانب سے جاری کردہ بیان میں محمد السنوار کی شہادت کی تفصیلات فی الحال ظاہر نہیں کی گئیں، تاہم تنظیم نے ان کی اپنے دیگر رہنماؤں کے ساتھ تصاویر جاری کرتے ہوئے انہیں ’’شہید‘‘ قرار دیا۔

خیال رہے کہ محمد السنوار، حماس کے سیاسی دفتر کے سابق سربراہ یحییٰ السنوار کے چھوٹے بھائی تھے، جنہیں گزشتہ سال اکتوبر میں اسرائیل کے خلاف کارروائی کا ماسٹر مائنڈ قرار دیا جاتا ہے اور بعد ازاں وہ بھی لڑائی کے دوران شہید ہوگئے تھے۔

مزید پڑھیں؛ حماس کے عسکری ترجمان ابو عبیدہ اسرائیلی حملے میں شہید ہوگئے، اسرائیلی وزیرِدفاع

محمد السنوار نے 1991 میں القسام بریگیڈز میں شمولیت اختیار کی اور بھائی کی شہادت کے بعد تنظیم میں اہم عسکری ذمہ داریاں سنبھالیں۔

حماس کے مطابق خاندانِ السنوار نے ایک بار پھر اپنے لہو سے وفا اور قربانی کی وہ تاریخ رقم کی ہے جو رہتی دنیا تک یاد رکھی جائے گی۔