خیبرپختونخوا کے ضلع صوابی میں لڑکیوں کا لباس پہن کر ٹک ٹاک ویڈیوز بنانے والے نوجوان کی حقیقت سامنے آگئی، پولیس نے کارروائی کرتے ہوئے ٹک ٹاکر کو گرفتار کر لیا۔
ضلعی پولیس کے ترجمان کے مطابق عبدالمغیز نامی نوجوان خواتین کا بھیس بدل کر نازیبا ٹک ٹاک ویڈیوز سوشل میڈیا پر شیئر کرتا تھا، جس سے عوامی سطح پر شدید ناراضگی اور اضطراب پایا گیا۔
مزید پڑھیں: برطانوی پولیس کا فلسطین ایکشن کے حامیوں کے خلاف کریک ڈاؤن، 425 افراد گرفتار
پولیس ترجمان کا کہنا ہے کہ چوکی بام خیل کے انچارج امیر خان نے فوری کارروائی کرتے ہوئے ملزم کو گرفتار کیا۔
ترجمان کے مطابق گرفتار نوجوان نے اعتراف جرم کر لیا ہے اور آئندہ ایسی غیر اخلاقی سرگرمیوں سے باز رہنے کی یقین دہانی کرائی ہے۔
