انڈین کرکٹر روہت شرما، جو کہ انڈیا کے معروف کرکٹر ہیں، جو اپنے شاندار بلے بازی کے لیے مشہور ہیں۔ ہٹ مین کے نا سے مشہور ہونے والے بلےباز روہیت شرما اب ٹیسٹ کرکٹ میں نظر نہیں آئیں گے اور ان کی جگہ جسبریت بمرا کو بھارت کا اگلا ٹیسٹ کپتان بنانے کا فیصلہ کر لیا گیا ہے۔
بھارتی کرکٹ بورڈ (بی سی سی آئی) کے مطابق بمرا کو نہ صرف ان کے شاندار باؤلنگ کی وجہ سے بلکہ ان کی قیادت کی صلاحیتوں کے پیش نظر بھی منتخب کیا گیا ہے۔
بمرا نے اب تک تین ٹیسٹ میچز میں انڈیا کی قیادت کی ہے۔ 2022 میں جب روہت شرما کووڈ کی وجہ سے انگلینڈ کے خلاف پانچویں ٹیسٹ میں شریک نہیں ہو سکے، تو بمرا نے قیادت سنبھالی اور بھارت کے لیے شاندار کارکردگی کا مظاہرہ کیا۔
اگرچہ اس میچ میں انڈیا کو شکست کا سامنا کرنا پڑا لیکن بمرا کی قیادت اور حکمت عملی کی سراہنا کی گئی۔
اسی طرح 2023 میں جب روہت شرما اپنے دوسرے بچے کی پیدائش کے باعث آسٹریلیا نہیں پہنچ سکے، بمرا نے ایک اور موقع پر انڈیا کو کامیابی دلائی اور بارڈر گواسکر ٹرافی کے پہلے ٹیسٹ میں فتح حاصل کی۔
تاہم، ان کی قیادت کا ایک اور بڑا امتحان اس وقت آیا جب روہت شرما نے خود کو آخری ٹیسٹ میچ کے لیے منتخب نہ کرنے کا فیصلہ کیا۔
(فائل فوٹو/گوگل)
بمرا نے اس میچ میں قیادت سنبھالی لیکن بدقسمتی سے وہ زخمی ہو گئے اور انڈیا وہ میچ ہار گیا۔
2024 کا سال روہت شرما کے لیے ٹیسٹ کرکٹ میں انتہائی مایوس کن ثابت ہوا۔ انہوں نے اپنی آخری آٹھ ٹیسٹ اننگز میں صرف 164 رنز بنائے، اور ان کی اوسط 10.9 رہی۔
ضرور پڑھیں: آئی سی سی چیمپئنز ٹرافی کے انعامات کا اعلان، جیتنے والی ٹیم کو کتنی رقم دی جائے گی؟
یہ وہ سال تھا جب روہت کی فارم خاصی گرتی ہوئی دکھائی دی، اور ان کی قیادت میں بھارت نے تمام چھ ٹیسٹ میچوں میں شکست کا سامنا کیا۔ بھارت کو نہ صرف نیوزی لینڈ کے خلاف اپنی پہلی ہوم وائٹ واش کا سامنا کرنا پڑا، بلکہ آسٹریلیا میں بھی شکست ہوئی، جہاں روہت کی کارکردگی انتہائی مایوس کن رہی۔
روہت شرما نے اس بات کا اعلان کیا تھا کہ وہ کسی بھی فارمیٹ سے ریٹائرمنٹ کے بارے میں کوئی منصوبہ نہیں رکھتے مگر ایسا لگتا ہے کہ بی سی سی آئی نے ان کے ساتھ اس بارے میں بات چیت کی ہے۔
روہت شرما کا اگلا سال 38 کا ہو جائے گا اور اگلے عالمی ٹیسٹ چیمپئن شپ کے فائنل تک ان کی عمر 40 سال تک پہنچ جائے گی۔
یہ بھی پڑھیں: چیمپئنز ٹرافی 2025: وہ بڑے نام جو ایونٹ میں نظر نہیں آئیں گے
ان کی گرتی ہوئی فارم اور بڑھتی عمر کے پیش نظر بی سی سی آئی نے بمرا کو اگلے ٹیسٹ کپتان کے طور پر منتخب کرنے کا فیصلہ کیا۔
بمرا کے انتخاب کا ایک اہم پہلو یہ بھی ہے کہ وہ انڈیا کے موجودہ ٹیسٹ نائب کپتان ہیں۔ اس کے علاوہ، بمرا نے اب تک انٹرنیشنل کرکٹ میں اپنی صلاحیتوں کو ثابت کیا ہے۔
ان کی قیادت میں انڈیا کا اگلا ٹیسٹ دورہ انگلینڈ میں ہوگا جہاں بمرا کو روہت شرما کی جگہ کپتانی کی ذمہ داری سونپی جائے گی۔
بی سی سی آئی نے بمرا کو ایک بہترین باؤلر اور قائد کے طور پر منتخب کیا ہے اور ان سے توقع کی جاتی ہے کہ وہ انڈیا کی کرکٹ کو نئے افق پر لے جائیں گے۔
(فائل فوٹو/ گوگل)
روہت شرما کی قیادت میں انڈیا نے کئی کامیابیاں حاصل کیں، لیکن اب ان کی گرتی ہوئی فارم اور شکستوں نے ان کے مستقبل پر سوالات اٹھا دیے ہیں۔
انڈین کرکٹ کے ماضی میں ان کی کارکردگی کو دیکھا جائے تو انہوں نے آئی پی ایل اور دیگر فارمیٹس میں بے شمار کامیابیاں حاصل کیں، لیکن ٹیسٹ کرکٹ میں ان کی فارم اور قائدانہ صلاحیتوں میں کمی نظر آئی۔
روہت کی ریٹائرمنٹ کی افواہیں بھی چل رہی ہیں لیکن ان کا ایک واضح جواب رہا ہے کہ وہ ابھی کسی بھی فارمیٹ سے ریٹائر ہونے کا ارادہ نہیں رکھتے۔ تاہم، بی سی سی آئی اور سلیکٹرز نے اب ان کی جگہ بمرا کو منتخب کر لیا ہے تاکہ انڈیا کی ٹیسٹ کرکٹ کے مستقبل کو نئی قیادت فراہم کی جا سکے۔
روہت شرما کا ٹیسٹ کرکٹ سے رخصت ہونا بھارتی کرکٹ کے ایک نئے دور کی ابتداء ہے۔ بمرا کے منتخب ہونے سے نہ صرف انڈین کرکٹ کی قیادت میں تبدیلی آئی ہے بلکہ یہ انڈیا کے لئے ایک نیا چیلنج اور موقع بھی ہے۔
اب سب کی نظریں بمرا پر ہوں گی، اور یہ دیکھنا دلچسپ ہوگا کہ وہ انڈیا کو کس طرح نئے افق پر لے جاتے ہیں۔
