امریکا کی ثالثی میں پاکستان اور انڈیا میں ہونے والی جنگ بندی پر پاکستانی رہنماؤں نے مختلف ردِعمل ظاہر کیا ہے، کچھ اسے پاکستان کی کامیابی تو کچھ انڈیا کو مزید سبق سکھانے پر زور دے رہے ہیں۔
سابق وزیرِاعظم و صدر مسلم لیگ ن میاں محمد نواز شریف نے سماجی رابطے کی سائٹ ایکس (سابقہ ٹوئٹر) پر لکھا کہ “اللّہ ربّ العزت کا شکر ہے کہ اس نے پاکستان کو سر بلند کیا، میں وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور مبارکباد دیتا ہوں۔
انہوں نے کہا کہ پاکستان امن پسند ملک ہے اور امن کو ترجیح دیتا ہے مگر اپنا دفاع کرنا بھی جانتا ہے۔”
اللّہ ربّ العزت کا شکر ہے کہ اس نے پاکستان کو سر بلند کیا۔ میں، وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور مبارکباد دیتا ہوں۔ پاکستان امن پسند ملک ہے اور امن کو ترجیح دیتا ہے مگر…
— Nawaz Sharif (@NawazSharifMNS) May 10, 2025
امیر جماعتِ اسلامی پاکستان حافظ نعیم الرحمان نے جنگ بندی پر ردِعمل دیتے ہوئے کہا کہ “الحمدللہ! یہ پاکستان کی بڑی کامیابی ہے۔ ثابت ہوگیا کہ اسلام، ایمان اور جذبہٖ جہاد ہی پاکستانی قوم کو کو متحد کرسکتے ہیں اور افواج کو قوت فراہم کرسکتے ہیں۔ پاکستان کو اب انڈیا پر برتری حاصل ہوچکی ہے۔
انہوں نے کہا کہ امید ہے کہ حکومت جیتی ہوئی جنگ مذاکرات کی میز پر نہیں ہارے گی۔ وقت آگیا ہے کہ مسئلہ کشمیر پوری قوت سے اٹھایا جائے، قوم کشمیر پر کوئی سمجھوتہ قبول نہیں کرے گی۔ اقوام متحدہ کی قراردادوں کے مطابق مسئلہ کشمیر پر پیش رفت ہونی چاہیے۔ سندھ طاس معاہدے پر مکمل عملدرآمد کروایا جائے۔”
الحمدللہ! یہ پاکستان کی بڑی کامیابی ہے۔
— Naeem ur Rehman (@NaeemRehmanEngr) May 10, 2025
ثابت ہوگیا کہ اسلام، ایمان اور جذبہٖ جہاد ہی پاکستانی قوم کو کو متحد کرسکتے ہیں۔ اور افواج کو قوت فراہم کرسکتے ہیں۔ پاکستان کو اب بھارت پر برتری حاصل ہوچکی ہے، اُمید ہے کہ حکومت جیتی ہوئی جنگ مذاکرات کی میز پر نہیں ہارے گی۔ وقت آگیا ہے… pic.twitter.com/bD0DXDKKzP
وزیرِاعلیٰ پنجاب مریم نواز نے ایکس پر لکھا کہ” پاکستان جیت گیا! الحمدُ للّٰہ! وزیر اعظم پاکستان محمد شہباز شریف، سپہ سالار جنرل سید عاصم منیر، افواج پاکستان اور نواز شریف نے قوم کا سر فخر سے بلند کر دیا اور دنیا کو سمجھا دیا کہ پاکستان کا دفاع ناقابل تسخیر ہے اور پاکستان محفوظ اور محب وطن ہاتھوں میں ہے۔”
پاکستان جیت گیا! الحمدُ للّٰہ! وزیر اعظم پاکستان محمد شہباز شریف، سپہ سالار جنرل سید عاصم منیر، افواج پاکستان اور نواز شریف نے قوم کا سر فخر سے بلند کر دیا اور دنیا کو سمجھا دیا کہ پاکستان کا دفاع ناقابل تسخیر ہے اور پاکستان محفوظ اور محب وطن ہاتھوں میں ہے۔
— Maryam Nawaz Sharif (@MaryamNSharif) May 10, 2025
پاکستان کے نائب وزیرِاعظم و وزیرِ خارجہ اسحاق ڈار نے جنگ بندی کی تصدیق کرتے ہوئے ایکس پر لکھا ہے کہ “پاکستان اور انڈیا نے فوری طور پر جنگ بندی پر اتفاق کیا ہے۔ پاکستان نے ہمیشہ اپنی خودمختاری اور علاقائی سالمیت پر سمجھوتہ کیے بغیر خطے میں امن و سلامتی کے لیے کوششیں کی ہیں۔”
Pakistan and India have agreed to a ceasefire with immediate effect. Pakistan has always strived for peace and security in the region, without compromising on its sovereignty and territorial integrity!
— Ishaq Dar (@MIshaqDar50) May 10, 2025
سابق وزیرِخارجہ و چیئرمین بلاول بھٹو زرداری نے جنگ بندی پر ردِعمل دیتے ہوئے نجی نشریاتی ادارے سے گفتگوکرتے ہوئے کہا کہ دہشتگردی کے خلاف پاکستان کی کاوشوں کی دنیا معترف ہے، پاکستان امن کا خواہشمند ہے مگر خود مختاری پر کبھی سمجھوتہ نہیں کرے گا، پاکستان ایک ذمہ دار ریاست ہونے اور تحمل کا مظاہرہ کر رہا ہے۔
انہوں نے کہا کہ انڈیا پاکستان میں مسلسل دہشتگردی کی حمایت کر رہا ہے، ہم نے انڈین جاسوس کلبھوشن کو پکڑا جو دہشتگرد سرگرمیوں میں ملوث ہے، انڈیا بلوچستان میں دہشتگردی کی پشت پناہی کر رہا ہے۔
بلاول بھٹو نے سوال کیا کہ انڈیا پہلگام واقعے کی عالمی تحقیقات سے کیوں ہچکچا رہا ہے؟ انڈیا نے جعفر ایکسپریس کی مذمت نہیں کی،پاکستان نے انڈین جارحیت کے خلاف عالمی قوانین کے مطابق اپنے دفاع کا حق استعمال کیا، انڈیا سندھ طاس معاہدہ یکطرفہ طور پر معطل نہیں کر سکتا۔
وفاقی وزیر برائے منصوبہ بندی و ترقی احسن اقبال نے جنگ بندی پر ردِعمل دیتے ہوئے کہا کہ “پاکستان کو اپنی مسلح افواج پر فخر ہے۔ چیف آف آرمی اسٹاف جنرل عاصم منیر، چیف آف ائیر سٹاف ائیر چیف مارشل ظہیر بابر اور ہماری مسلح افواج کی قیادت کو ان کے پیشہ ورانہ، دلیرانہ اور پرعزم جواب دینے پر دل کی گہرائیوں سے مبارکباد۔
احسن اقبال نے کہا کہ مسلح افواج نے پاکستان اور ہر پاکستانی کا سر فخر سے بلند کیا ہے۔ قوم اپنے بہادر سپوتوں اور کمانڈروں کو ان کی غیر متزلزل جرات اور مثالی بہادری پر سلام پیش کرتی ہے۔شاباش! پاکستانی پرچم کو بلند رکھیں!
Pakistan is proud of its armed forces.
— Ahsan Iqbal (@betterpakistan) May 10, 2025
Heartiest congratulations to Chief of Army Staff General Asim Munir, Chief of Air Staff Air Chief Marshal Zaheer Babar, and the leadership of our armed forces for their professional, courageous, and resolute response to Indian aggression.…
سینیئر صوبائی وزیر مریم اورنگزیب نے کہا ہے کہ “اللہ ربّ العزت کا شکر ہے پاکستان سرخرو ہوا۔ وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور پوری قوم کو مبارکباد الحمدللہ #پاکستانزندہباد۔”
اللہ ربّ العزت کا شکر ہے پاکستان سرخرو ہوا . وزیر اعظم پاکستان شہباز شریف، فوج کے سپہ سالار جنرل سید عاصم منیر، چیف آف ائیر سٹاف ائیر چیف مارشل ظہیر سندھو اور افواجِ پاکستان کو شاباش اور پوری قوم کو مبارکباد الحمدللہ #پاکستان_زندہ_باد pic.twitter.com/XY8T2QFzmo
— Marriyum Aurangzeb (@Marriyum_A) May 10, 2025
وزیرِاعلیٰ سندھ مراد علی شاہ نے کہا ہے کہ “جنگ بندی کا خیر مقدم کرتے ہیں۔ پاکستان نے کبھی جنگ کی خواہش نہیں کی لیکن ہم ہمیشہ عزم کے ساتھ اپنی خودمختاری کا دفاع کریں گے۔ اپنی بہادر مسلح افواج اور اپنے لوگوں کے غیر متزلزل جذبے پر فخر ہے۔ ایک ساتھ، ہم مضبوط کھڑے تھے۔ پاکستان زندہ باد!”
Welcome the ceasefire. Pakistan has never desired war—but we will always defend our sovereignty with resolve. Proud of our valiant armed forces and the unshakable spirit of our people. Together, we stood firm. Pakistan Zindabad!
— Murad Ali Shah (@MuradAliShahPPP) May 10, 2025
سینیٹر شیریں رحمان نے ایکس پر لکھا کہ “پاکستان اور اس کی سول اور ملٹری قیادت کو اس جنگ سے وقار، پیشہ ورانہ مہارت اور قومی عزم کے ساتھ نکلنے پر مبارکباد، وزیرِاعظم شہباز شریف، صدر زرداری اور جنرل عاصم منیر نے ہماری بہادر فوج کے ساتھ مل کر ثابت کر دیا ہے کہ وہ تمام پلیٹ فارمز پر مادر وطن کا شاندار طریقے سے دفاع کر سکتے ہیں۔ انہوں نے روایتی ڈیٹرنس کے لیے پاکستان کی واضح صلاحیت کا بھی واضح پیغام دیا ہے۔
شیریں رحمان نے کہا کہ اب وقت آگیا ہے کہ انڈیا پر زور دیا جائے کہ وہ پانی اور کشمیر سمیت وسیع تر مذاکرات کے لیے میز پر تعمیری انداز اپنائے۔ پاکستان کے دروازے منصفانہ اور مساوی شرائط پر بات چیت کے لیے ہمیشہ کھلے ہیں۔ انڈین میڈیا کے لیے بھی وقت آ گیا ہے کہ وہ سبق سیکھیں اورایک سنجیدہ اینڈگیم کے لیے سیاسی جگہ کو کم نہ کرے۔”
Congratulations to Pakistan and its civil and military leadership for emerging out of this war with dignity, professionalism and national resolve unequivocally intact. PM @CMShehbaz @BBhuttoZardari , President Zardari and General Asim Munir, along with our valorous military have…
— SenatorSherryRehman (@sherryrehman) May 10, 2025
واضح رہے کہ امریکا کی ثالثی میں آج پاکستان اور انڈیا کے مابین جنگ بندی ہوچکی ہے۔ امریکی صدر نے ایکس پر اعلان کیا کہ “امریکہ کی ثالثی میں رات بھر جاری رہنے والے طویل مذاکرات کے بعد انڈیا اور پاکستان نے مکمل اور فوری جنگ بندی پر اتفاق کر لیا ہے۔”
انہوں نے دونوں ممالک کو “عقل مندی اور شاندار فہم و فراست” کا مظاہرہ کرنے پر مبارکباد دی اور کہا کہ یہ ایک خوش آئند قدم ہے۔
