وزارت خارجہ کے مطابق چین کی دعوت پر اسلامی جمہوریہ پاکستان کے صدر آصف علی زرداری 12 سے 21 ستمبر 2025 تک چین کا دس روزہ سرکاری دورہ کریں گے۔
دورے کے دوران صدر چینگڈو، شنگھائی اور سنکیانگ ایغور کا دورہ کریں گے اور وہاں کی اعلیٰ قیادت سے ملاقاتیں کریں گے۔ جہاں وہ پاک چین اقتصادی راہداری اور مستقبل کے اقدامات پر بات چیت کریں گے۔
🔊PR No.2️⃣7️⃣5️⃣/2️⃣0️⃣2️⃣5️⃣
— Ministry of Foreign Affairs – Pakistan (@ForeignOfficePk) September 11, 2025
Curtain Raiser: Visit of President to China https://t.co/krjSOJKSKf
🔗⬇️ pic.twitter.com/AkLBSmtT83
ترجمان دفتر خارجہ کے مطابق یہ دورہ پاکستان اور چین کے درمیان اعلیٰ سطح کے روابط کی روایت کو مزید مستحکم کرنے کے ساتھ ساتھ دونوں ممالک کی ہر موسم کے اسٹریٹیجک تعاون پر مبنی شراکت داری کو مضبوط بنانے کے عزم کی عکاسی کرتا ہے۔
یہ بھی پڑھیں : شہباز شریف کا دورہ قطر: ’پاکستان مشکل وقت میں قطر کے ساتھ کندھے سے کندھا ملا کر کھڑا ہے‘
اس موقع پر باہمی مفادات کے بنیادی امور پر حمایت کی تجدید، اقتصادی و تجارتی تعاون بشمول سی پیک کو فروغ دینے اور علاقائی امن، ترقی و استحکام کے لیے مشترکہ عزم کو اجاگر کیا جائے گا۔
