جنرل سید عاصم منیرکی فیلڈ مارشل کے عہدے پر ترقی، یہ انفرادی نہیں پوری قوم کے لیے اعزاز ہے، آرمی چیف
حکومت پاکستان نے آرمی چیف جنرل سید عاصم منیر کو فیلڈ مارشل کے عہدے پر ترقی دینے کی منظوری دے دی ہے۔ وقافی کابینہ کے اجلاس میں مختلف فیصلوں کی منظوری دی گئی ۔ اعلامیہ کے مطابق انڈیا کے خلاف بھرپور جوابی کارروائی پر آرمی چیف کو ترقی دی گئی ۔ وزیرِ اعظم محمد شہباز شریف کی زیرِ صدارت وفاقی کابینہ کے اجلاس میں حکومت پاکستان کی جانب سے معرکہ حق، آپریشن بنیان مرصوص کی اعلیٰ حکمتِ عملی اور دلیرانہ قیادت کی بنیاد پر ملک کی سلامتی کو یقینی بنانے اور دشمن کو شِکست فاش دینے پر جنرل سید عاصم منیر (نشان امتیاز ملٹری) کو فیلڈ مارشل کے عہدے پر ترقی دینے کی منظوری دیدی ۔وزیرِ اعظم محمد شہباز شریف کی زیرِ صدارت وفاقی کابینہ کے اجلاس میں اہم فیصلے کئے اجلاس میں وزیراعظم نے پوری پاکستانی قوم کو معرکہ حق کے دوران آپریشن بنیان مرصوص کی شاندار کامیابی اور دشمن کے عزائم خاک میں ملانے پر مبارکباددی ۔ مزید پڑھیں: سکھوں کے مقدس مقامات کے محافظ، گولڈن ٹیمپل پر حملے کا انڈین الزام مسترد کرتے ہیں، پاکستان اجلاس میں حکومت پاکستان کی جانب سے معرکہ حق، آپریشن بنیان مرصوص کی اعلیٰ حکمتِ عملی اور دلیرانہ قیادت کی بنیاد پر ملک کی سلامتی کو یقینی بنانے اور دشمن کو شِکست فاش دینے پر جنرل سید عاصم منیر (نشان امتیاز ملٹری) کو فیلڈ مارشل کے عہدے پر ترقی دینے کی منظوری دی۔کابینہ میں گفتگو کرتے ہوئے کہاکہ حال ہی میں پاکستان تاریخ کے کٹھن مرحلے سے گزرا۔ 6 اور 7 مئی 2025 کی رات بھارت نے پاکستان پر بلا اشتعال اور بلا جواز جنگ مسلط کی۔ پاکستان کی سول آبادی میں معصوم شہریوں بشمول خواتین اور بچوں کو نشانہ بنایا گیا۔ وفاقی کابینہ نے کہاکہ دشمن کی جانب سے پاکستان کی خود مختاری اور سرحدی سالمیت کو پامال کرنے کی مذموم کوشش کی گئی۔چیف آف آرمی اسٹاف جنرل سید عاصم منیر نے مثالی جرآت اور عزم کے ساتھ پاک فوج کی قیادت کی اور مسلح افواج کی جنگی حکمتِ عملی اور کاوشوں کو بھرپور طریقے سے ہم آہنگ کیا۔ وفاقی کابینہ نے کہا کہ آرمی چیف کی بے مثال قیادت کی بدولت پاکستان کو معرکہ حق میں تاریخی کامیابی حاصل ہوئی۔ان کی شاندار عسکری قیادت، جرآت، اور بہادری، پاکستان کی خود مختاری اور علاقائی سالمیت کو یقینی بنانے اور دشمن کے مقابلے میں دلیررانہ دفاع کے اعتراف میں، جنرل سید عاصم منیر کو فیلڈ مارشل کے عہدے پر ترقی دینے کی وزیرِ اعظم کی تجویز کابینہ نے منظور کر لی۔ وزیرِ اعظم نے صدر مملکت آصف علی زرداری سے ملاقات کرکے انہیں اس فیصلے کے حوالے سے اعتماد میں لیا۔حکومت نےائیر چیف مارشل ظہر احمد بابر سدھو کی مدت ملازمت پوری ہونے پر انکی خدمات کو جاری رکھنے کا بھی متفقہ فیصلہ کیاہے ۔ وفاقی کابینہ نے یہ بھی فیصلہ کیا کہ افواج پاکستان کے افسران و جوان، غازیان، شہداء اور مختلف شعبوں سے تعلق رکھنے والے پاکستانی شہریوں کو آپریشن بنیان مرصوص کے دوران انکی گراں قدر خدمات کے اعتراف میں اعلی سرکاری ایورڈز سے نوازا جائے گا۔ آئی ایس پی آر کی جانب سے جاری کیے گئے اعلامیے کے مطابق آرمی چیف نے ترقی ملنے پر اللہ کا شکر ادا کیا ہے۔ ان کا کہنا تھا کہ یہ انفرادی نہیں پوری قوم کے لیے اعزاز ہے۔ فیلڈ مارشل عاصم منیر نے کہا ہے کہ اعزاز ملنے پر اللّٰہ تعالیٰ کا شکر گزار ہوں، یہ اعزاز پوری قوم، افواجِ پاکستان، خاص کر سول اور ملٹری شہداء اور غازیوں کے نام وقف کرتا ہوں – ان کا کہنا تھا کہ صدر پاکستان، وزیرِ اعظم اور کابینہ کے اعتماد کا شکر گزار ہوں۔ یہ اعزاز قوم کی امانت ہے جس کو نبھانے کے لیے لاکھوں عاصم بھی قربان۔ یہ انفرادی نہیں بلکہ افواجِ پاکستان اور پوری قوم کے لئے اعزاز ہے۔ فیلڈ مارشل عاصم منیر نے قوم کا شکریہ بھی ادا کیا۔ جنرل عاصم منیر کون ہیں؟ آرمی چیف جنرل سید عاصم منیر ڈی جی آئی ایس آئی ، کور کمانڈر گوجرانوالہ اور ڈی جی ایم آئی سمیت کئی اہم عہدوں پر فرائض سرانجام دے چکے ہیں ۔ لیفٹیننٹ جنرل عاصم منیر پاکستان ملٹری اکیڈمی سے فارغ التحصیل نہیں ہیں، انہوں نے آفیسرز ٹریننگ اسکول منگلا سے تربیت مکمل کرکے پاک فوج میں شمولیت اختیار کی۔ لیفٹیننٹ جنرل عاصم منیر کو دوران تربیت بہترین کارکردگی پر اعزازی شمشیر سے بھی نوازا گیا، تربیت مکمل کرنے کے بعد انہوں نے فرنٹیئر فورس رجمنٹ میں کمیشن حاصل کیا۔ لیفٹیننٹ جنرل عاصم منیر حافظ قرآن بھی ہیں۔ بتایا جاتا ہے کہ انہوں نے بطور لیفٹننٹ کرنل مدینہ منورہ میں تعیناتی کے دوران قرآن پاک حفظ کیا۔ عاصم منیر کا پروفائل انتہائی مضبوط ہے۔ انہوں نے کئی اہم عہدوں پر خدمات انجام دی ہیں عاصم منیر 2014ء میں کمانڈر فورس کمانڈ ناردرن ایریا تعینات ہوئے، وہ 2017ء میں ڈی جی ملٹری انٹیلی جنس کے عہدے پر فائز ہوئے۔ لیفٹیننٹ جنرل عاصم منیر کواکتوبر 2018ء میں لیفٹیننٹ جنرل کے عہدے پر ترقی ملی پھر انہیں ڈی جی آئی ایس آئی تعینات کیا گیا، جہاں کچھ عرصہ خدمات کی انجام دہی کے بعد انہیں جون 2019ء میں کور کمانڈر گوجرانوالہ بنادیا گیا۔ عاصم منیر وہ پہلے چیف آف آرمی اسٹاف ہیں جو ایم آئی اور آئی ایس آئی دونوں خفیہ اداروں کی سربراہی کر چکے ہیں۔ عاصم منیر اکتوبر 2021ء سے جنرل ہیڈکوارٹر (جی ایچ کیو )میں کوارٹر ماسٹر جنرل کے فرائض بھی سرانجام دے رہے تھے۔
نور مقدم قتل کیس: ملزم ظاہر جعفر کی اپیل مسترد، مقدمہ ہے کیا؟
نور مقدم قتل کیس میں سپریم کورٹ نے مرکزی مجرم ظاہر جعفر کی اپیل مسترد کرتے ہوئے سزائے موت برقرار رکھنے کا فیصلہ سنا دیا ہے۔ عدالت عظمیٰ نے قرار دیا کہ ٹرائل اور ہائیکورٹ کے فیصلے قانون کے عین مطابق تھے اور اس میں مداخلت کی کوئی گنجائش نہیں بنتی۔ پیر کے روز سماعت کے دوران ظاہر جعفر کے وکیل سلمان صفدر نے مؤقف اختیار کیا کہ استغاثہ کا پورا کیس سی سی ٹی وی فوٹیج اور ڈی وی آر پر مبنی ہے اور ان شواہد کا قابل قبول ہونا ضروری ہے۔ وکیل نے مزید کہا کہ اسلام آباد ہائیکورٹ میں جو فوٹیج چلائی گئی، وہ مکمل طور پر چل نہ سکی۔ جسٹس ہاشم کاکڑ نے ریمارکس دیے کہ جس فوٹیج پر اعتراض کیا جا رہا ہے اُسے خود دفاع نے تسلیم کیا ہے۔ پنجاب فرانزک سائنس ایجنسی کی رپورٹ میں بھی واضح کیا گیا کہ ویڈیو میں کوئی ٹیمپرنگ یا انسانی مداخلت نہیں ہوئی۔ ویڈیو براہ راست سی سی ٹی وی کیمرے سے حاصل کی گئی، جو ناقابل تردید ثبوت ہے۔ لازمی پڑھیں: سکھوں کے مقدس مقامات کے محافظ، گولڈن ٹیمپل پر حملے کا انڈین الزام مسترد کرتے ہیں، پاکستان کیس میں شریک دیگر ملزمان، چوکیدار اور مالی کے وکلا نے عدالت کو بتایا کہ اُن کے مؤکلوں کو محض مقتولہ کو جانے سے روکنے کے الزام پر دس دس سال قید کی سزا سنائی گئی ہے۔ اس پر جسٹس علی باقر نجفی نے ریمارکس دیے کہ اگر وہ مقتولہ کو نہ روکتے تو شاید معاملہ کچھ اور ہوتا۔ دلائل مکمل ہونے کے بعد عدالت نے فیصلہ محفوظ کیا اور پھر سناتے ہوئے ظاہر جعفر کی سزائے موت برقرار رکھنے کا حکم جاری کر دیا۔ اس کے ساتھ ہی عدالت نے چوکیدار اور مالی کی سزاؤں میں نرمی کرتے ہوئے قید کی مدت میں کمی کر دی۔ یاد رہے کہ یہ واقعہ 2021 میں پیش آیا تھا جب اسلام آباد میں ظاہر جعفر نے نور مقدم کو بہیمانہ تشدد کا نشانہ بنانے کے بعد قتل کر دیا تھا۔ ٹرائل کورٹ نے جرم ثابت ہونے پر سزائے موت سنائی، جسے بعد ازاں اسلام آباد ہائیکورٹ نے بھی برقرار رکھا تھا۔ سپریم کورٹ سے رجوع کے بعد اب یہ اپیل بھی خارج کر دی گئی ہے یوں انصاف کا ایک اہم مرحلہ اپنے انجام کو پہنچا۔ مزید پڑھیں: پاکستان، چین ذمہ دار ممالک، عوام کی فلاح و بہبود ترجیح ہے، ڈی جی آئی ایس پی آر
پاکستان اور بنگلہ دیش کے درمیان سیریز طے، تین ٹی 20 میچز لاہور میں ہوں گے
پاکستان اور بنگلہ دیش کرکٹ بورڈز کے درمیان کامیاب مذاکرات کے بعد یہ طے پایا ہے کہ بنگلہ دیش کرکٹ ٹیم سیریز کھیلنے کے لیے پاکستان کا دورہ کرے گی۔ پاکستان کرکٹ بورڈ (پی سی بی) کے مطابق دونوں ٹیموں کے درمیان تین ٹی ٹوئنٹی میچز کھیلے جائیں گے جو کہ لاہور میں منعقد ہوں گے۔ پی سی بی کے چیئرمین محسن نقوی نے بنگلہ دیش کرکٹ بورڈ کا شکریہ ادا کیا کہ انہوں نے دورہ پاکستان کے لیے رضامندی ظاہر کی۔ ذرائع کے مطابق چیئرمین پی سی بی محسن نقوی دبئی کے ایک روزہ خصوصی دورے پر گئے جہاں انہوں نے بنگلہ دیش کرکٹ بورڈ کے اعلیٰ حکام سے ملاقاتیں کیں۔ کئی گھنٹوں پر مشتمل ان مذاکرات کے بعد محسن نقوی نے بنگلہ دیشی حکام کو پاکستان میں سیریز کھیلنے پر آمادہ کیا۔ اس پیشرفت کو پاکستان میں عالمی کرکٹ کی بحالی کے لیے ایک اہم قدم قرار دیا جا رہا ہے۔ مزید پڑھیں: ’خدا کی قسم، میں رویا نہیں تھا‘، پی ایس ایل میں کھیلنے والے ٹام کرن نے افواہوں کی تردید کر دی
بہاولنگر میں گرمی سے طالبہ جاں بحق، پنجاب میں چھٹیوں کا اعلان، کب سے کب تک ہوں گی؟
پنجاب میں دن بدن گرمی کی شدت میں اضافہ ہوتا جارہا ہے، گزشتہ دو روز سے درجہ حرارت میں اضافہ دیکھنے میں آیا ہے۔ بہاولنگر کی تحصیل ہارون آباد میں 13 سالہ کمسن طالبہ ملیحہ دل کا دورہ پڑنے سے جاں بحق ہو گئی۔ واقعہ 100 سکس آر کے علاقے میں پیش آیا جہاں ملیحہ ولد مجاہد حسب معمول اسکول گئی تھی، لیکن اچانک طبیعت خراب ہونے پر زمین پر گر گئی۔ ریسکیو ذرائع کے مطابق بچی دل کے مرض میں مبتلا تھی اور اس کا علاج جاری تھا۔ اسکول میں شدید گرمی کی وجہ سے اچانک دل کا دورہ پڑنے کے بعد جب ریسکیو ٹیم موقع پر پہنچی تو بچی کی موت واقع ہو چکی تھی۔ ریسکیو اہلکاروں نے موقع پر سی پی آر دینے کی کوشش کی لیکن وہ جانبر نہ ہو سکی۔ ریسکیو اہلکاروں نے بچی کی لاش کو لواحقین کی اجازت سے ٹی ایچ کیو ہسپتال ہارون آباد منتقل کر دیا۔ اسکول انتظامیہ اور اہل علاقہ نے بچی کی ناگہانی موت پر گہرے رنج و غم کا اظہار کیا ہے۔ پنجاب میں شدید گرمی کی لہر کے پیش نظر صوبائی وزیر تعلیم رانا سکندر حیات نے اعلان کیا ہے کہ صوبے بھر کے تمام اسکولوں میں 28 مئی سے موسم گرما کی تعطیلات شروع ہوں گی۔ بعد ازاں پنجاب حکومت نے موسم گرما کی چھٹیوں کا نوٹیفکیشن بھی جاری کردیا ۔ وزیر تعلیم نے سکول کے اوقات میں کمی بھی کردی ہے، اب سکول ساڑھے سات سے ساڑھے گیارہ بجے تک کھلے رہیں گے۔ اسی طرح میاں چنوں میں شدید گرمی کی وجہ سے ایک مزدور گرمی کی شدت کے باعث دل کا دورہ پڑنے سے موقع پر ہی جاں بحق ہو گیا۔ اطلاعات کے مطابق مزدور گندم سے لدا ہوا لوڈر رکشہ لے کر آیا تھا اور کام کے دوران اچانک زمین پر گر گیا۔ عینی شاہدین کا کہنا ہے کہ مزدور سخت جسمانی مشقت کے باعث پہلے ہی شدید تھکن کا شکار تھا، جبکہ درجہ حرارت میں غیر معمولی اضافے نے اس کی حالت مزید بگاڑ دی۔ گرمی کی شدت نے اس کے جسم کو برداشت کی حد سے باہر کر دیا اور وہ دل کا دورہ پڑنے سے جانبر نہ ہو سکا۔ حالیہ دنوں میں جاری ہیٹ ویو خاص طور پر مزدور طبقے کے لیے جان لیوا ثابت ہو رہی ہے۔ ماہرین اور حکومتی اداروں نے سخت گرمی کے دوران غیر ضروری مشقت سے گریز اور احتیاطی تدابیر اختیار کرنے کی اپیل کی ہے تاکہ مزید قیمتی جانوں کے ضیاع سے بچا جا سکے۔ یہ فیصلہ ملک میں جاری ہیٹ ویو اور بڑھتے درجہ حرارت کے باعث کیا گیا ہے تاکہ طلباء کی صحت و سلامتی کو یقینی بنایا جا سکے۔ رانا سکندر حیات نے کہا کہ طلباء کو شدید گرمی سے محفوظ رکھنے کے لیے یہ اقدامات ناگزیر تھے اور تمام متعلقہ اداروں کو احتیاطی تدابیر پر عملدرآمد کی ہدایت جاری کر دی گئی ہے۔ پنجاب حکومت نے گرمی کی شدت میں غیر معمولی اضافے کے باعث یکم جون کی مقررہ تاریخ سے پہلے ہی اسکول بند کرنے کا فیصلہ کیا، جب کہ وفاقی حکومت بھی اس معاملے پر مشاورت جاری رکھے ہوئے ہے اور جلد حتمی اعلان متوقع ہے۔ پنجاب ڈیزاسٹر مینجمنٹ اتھارٹی نے اسکولوں اور ضلعی انتظامیہ کو ہیٹ ویو کے خطرے کے حوالے سے ہدایات جاری کی تھیں، جن میں طلباء اور عملے کے تحفظ کے لیے فوری اقدامات کی تاکید کی گئی تھی۔ ہدایات میں تمام بیرونی سرگرمیوں کو معطل کرنا، پینے کے ٹھنڈے اور صاف پانی کی فراہمی یقینی بنانا، اسکولوں میں وینٹیلیشن اور کولنگ سسٹمز کی فعالیت برقرار رکھنا، اور بچوں کو ہلکے رنگ کے ڈھیلے کپڑے پہننے کی تلقین شامل تھی۔ محکمہ موسمیات نے بھی 20 سے 24 مئی تک ایک اور شدید گرمی کی لہر کی پیشگوئی کرتے ہوئے ایڈوائزری جاری کی ہے۔ اس کے مطابق، اس دوران سندھ، جنوبی پنجاب اور بلوچستان میں درجہ حرارت معمول سے 4 سے 6 ڈگری سینٹی گریڈ زیادہ رہنے کا امکان ہے، جبکہ وسطی و بالائی پنجاب، خیبرپختونخوا، اسلام آباد، آزاد کشمیر اور گلگت بلتستان میں درجہ حرارت 5 سے 7 ڈگری سینٹی گریڈ زیادہ رہ سکتا ہے۔ ماہرین موسمیات کے مطابق اس وقت بالائی فضاؤں میں ہائی پریشر کا نظام موجود ہے، جو آنے والے دنوں میں برقرار رہے گا اور گرمی کی شدت کو مزید بڑھا سکتا ہے۔ اس صورتحال میں طلباء، والدین اور اساتذہ کو احتیاطی تدابیر پر سختی سے عمل کرنے کی ضرورت ہے تاکہ ہیٹ ویو کے ممکنہ خطرات سے بچا جا سکے۔
پاکستان، چین ذمہ دار ممالک، عوام کی فلاح و بہبود ترجیح ہے، ڈی جی آئی ایس پی آر
پاک فوج کے شعبہ تعلقات عامہ کے ڈائریکٹر جنرل لیفٹیننٹ جنرل احمد شریف چوہدری نے کہا ہے کہ پاکستان اور چین دنیا کے دو ذمہ دار ممالک ہیں جن کی اولین ترجیح عوام کی فلاح و بہبود ہے۔ چائنا میڈیا گروپ سے گفتگو کرتے ہوئے انہوں نے خطے کی صورتحال، پاک چین تعلقات اور انڈیا کے ساتھ کشیدگی جیسے موضوعات پر کھل کر اظہارِ خیال کیا۔ لیفٹیننٹ جنرل احمد شریف کا کہنا تھا کہ پاکستان اور چین خطے میں امن اور استحکام کو یقینی بنانے کے لیے بھرپور کوششیں کر رہے ہیں، کیونکہ وہ سمجھتے ہیں کہ خوشحالی اور ترقی صرف امن سے ممکن ہے۔ انہوں نے دہشت گردی کو ترقی کی راہ میں رکاوٹ قرار دیتے ہوئے کہا کہ پاکستان اس لعنت کے خلاف مسلسل جدوجہد کر رہا ہے تاکہ ملک کو خوشحالی کی طرف لے جایا جا سکے۔ یہ بھی پڑھیں: پاکستان کی سرزمین یا سالمیت پر حملہ ہوا تو جواب بے رحم ہو گا، ڈی جی آئی ایس پی آر انہوں نے کہا کہ عالمی برادری کو چین کے ماڈل سے سیکھنا چاہیے، جس نے قلیل عرصے میں ایک بڑی آبادی کو ترقی کے دھارے میں شامل کیا۔ ان کا کہنا تھا کہ پاکستانی عوام بھی چاہتے ہیں کہ ملک میں استحکام اور ترقی ہو، اور وہ اس سمت میں پُرعزم ہیں۔ انڈیا کے ساتھ کشیدہ تعلقات کے حوالے سے انہوں نے کہا کہ کوئی بھی ملک کسی دوسرے ملک پر جھوٹے بیانیے اور بغیر ثبوت کے حملہ کرنے کا اختیار نہیں رکھتا۔ انہوں نے کہا کہ انڈیا پڑوسی ممالک پر اجارہ داری قائم کرنے کی کوشش کرتا ہے، لیکن پاکستان ایسے کسی دباؤ یا جارحیت کے سامنے نہ پہلے جھکا ہے اور نہ آئندہ جھکے گا۔ ڈی جی آئی ایس پی آر نے کہا کہ پاکستانی قوم کی پہچان قربانی، عزم اور شہادت کی خواہش ہے۔ انہوں نے واضح کیا کہ وردی چاہے نیلی ہو، سفید ہو یا خاکی، شہادت ہر سپاہی کے لیے اعزاز ہے۔ پاکستانی قوم نے ہر مشکل وقت میں اتحاد اور حوصلے کا مظاہرہ کیا ہے اور دنیا نے اس کا اعتراف بھی کیا ہے۔ انہوں نے عالمی برادری پر زور دیا کہ وہ امن و استحکام کے لیے اپنا کردار ادا کرے کیونکہ دنیا کو اس وقت کئی بڑے چیلنجز، خصوصاً موسمیاتی تبدیلی اور بڑھتی ہوئی آبادی، کا سامنا ہے۔ انٹرویو کے اختتام پر لیفٹیننٹ جنرل احمد شریف نے کہا کہ پاکستان ایک انسان دوست، پرامن ملک ہے جہاں عوام، افواج اور تمام ادارے مل کر ایک مضبوط دیوار کی مانند کھڑے ہیں، اور ان کا مقصد ملک کو دہشت گردی سے مکمل طور پر پاک کرنا ہے۔
’خدا کی قسم، میں رویا نہیں تھا‘، پی ایس ایل میں کھیلنے والے ٹام کرن نے افواہوں کی تردید کر دی
انگلینڈ کے پیس باؤلنگ آل راؤنڈر ٹام کرن نے سوشل میڈیا پر ان افواہوں کی سختی سے تردید کی ہے جن میں دعویٰ کیا گیا تھا کہ وہ حالیہ پاکستان، انڈیا کشیدگی کے باعث پروازوں کی معطلی پر بچوں کی طرح روئے تھے۔ یہ افواہ بنگلہ دیش کے نوجوان لیگ اسپننگ آل راؤنڈر رشاد حسین کی جانب سے پھیلائی گئی تھی، جنہوں نے یہ بات ایک نجی گفتگو کے دوران کہی تھی۔ یہ بھی پڑھیں: پی ایس ایل 10: اسلام آباد یونائیٹڈ کی کراچی کنگز کو 79 رنز سے شکست یہ معاملہ اس وقت شروع ہوا جب گزشتہ ماہ پاکستان سپر لیگ (پی ایس ایل) کو فضائی حدود کی بندش کے باعث عارضی طور پر روک دیا گیا۔ لاہور قلندرز کے غیر ملکی کھلاڑی، جن میں کرن اور رشاد بھی شامل تھے، دبئی کے راستے وطن واپس روانہ ہوئے۔ دوران سفر رشاد حسین نے بنگلہ دیشی صحافیوں سے گفتگو میں دعویٰ کیا کہ جب کرن کو پروازوں کے منسوخ ہونے کی اطلاع ملی تو وہ گھبرا گئے اور “ایک بچے کی طرح رونے لگے”، جس پر تین افراد کو اسے چپ کرانا پڑا۔ رشاد کا ہلکے پھلکے انداز میں کیا گیا یہ تبصرہ سوشل میڈیا پر وائرل ہو گیا، اور میمز کی شکل میں پھیلنے لگا، مگر ٹام کرن کی جانب سے فوری طور پر کوئی ردعمل سامنے نہیں آیا۔ اب جبکہ پاکستان اور انڈیا کے درمیان کشیدگی میں کمی آئی ہے اور پی ایس ایل دوبارہ شروع ہو چکی ہے، کرن نے لاہور پہنچنے کے بعد اپنی خاموشی توڑی اور سوشل میڈیا پر پاکستان رینجرز کے ساتھ ایک تصویر پوسٹ کرتے ہوئے کہا، “خوشی ہے کہ پی ایس ایل دوبارہ بحال ہو چکی ہے۔ میں دونوں ممالک کے درمیان دیرپا امن کی دعا کرتا ہوں۔ اور خدا کی قسم، میں رویا نہیں تھا۔ میں کھیلنے کے لیے تیار تھا۔” ادھر رشاد حسین، جو ان دنوں بنگلہ دیش کی ٹیم کے ساتھ متحدہ عرب امارات کے دورے پر ہیں، پی ایس ایل میں دوبارہ شمولیت کے لیے دستیاب نہیں۔ انہوں نے اپنی سابقہ بات پر وضاحت دیتے ہوئے معذرت کر لی ہے۔ رشاد کا کہنا تھا، “میری بات سیاق و سباق سے ہٹ کر تھی اور جذبات کی شدت میں مبالغہ آمیز انداز اختیار کر لیا گیا۔ میں ٹام کرن اور کسی بھی غلط فہمی کا شکار ہونے والے فرد سے مخلصانہ طور پر معذرت خواہ ہوں۔” اس وضاحت کے بعد معاملہ بظاہر ختم ہوتا دکھائی دیتا ہے، اور تمام نظریں ایک بار پھر پی ایس ایل کی جاری سرگرمیوں پر مرکوز ہو چکی ہیں۔
اداکارہ سجل علی اور احد رضا میر کی طلاق پر آصف رضا میر نے خاموشی توڑ دی
سینئر اداکار آصف رضا میر نے پہلی بار اپنے بیٹے احد رضا میر اور اداکارہ سجل علی کی طلاق پر خاموشی توڑ دی ہے۔ ایک نجی ٹی وی پروگرام میں گفتگو کرتے ہوئے آصف رضا میر نے اس معاملے پر کھل کر بات کی اور دونوں فنکاروں کو درپیش چیلنجز کا ذکر کیا۔ آصف رضا میر نے انکشاف کیا کہ سجل علی کے ساتھ پیشہ ورانہ تعلقات برقرار رکھنا ایک چیلنج ضرور تھا، تاہم دونوں نے بالغ نظری کا مظاہرہ کرتے ہوئے ذاتی اختلافات کو کام پر اثر انداز نہیں ہونے دیا۔ دونوں فنکار جلد ہی آنے والے ڈرامہ “میں منٹو نہیں ہوں” میں ایک ساتھ اسکرین پر نظر آئیں گے، جس کی کاسٹنگ نے مداحوں میں خاصی دلچسپی پیدا کی ہے۔ آصف رضا میر نے بتایا کہ سجل علی نے مکمل سنجیدگی اور پیشہ ورانہ جذبے کے ساتھ کام کیا، جس پر وہ ان کی تعریف کے مستحق ہیں۔ انہوں نے مزید کہا کہ زندگی میں آگے بڑھنا ضروری ہوتا ہے اور بعض اوقات علیحدگیاں ناگزیر بن جاتی ہیں، اصل بات یہ ہے کہ انسان ان تجربات سے کیا سیکھتا ہے۔ مزید پڑھیں: ’اگر میری بیوی مجھے طلاق دے دے‘ فیس بک پرمنفرد بحث نے صارفین کو جکڑ لیا
بڑھتی گرمی کے بعد پنجاب و خیبرپختونخوا میں الرٹ جاری، خود کو کیسے بچائیں؟
پاکستان کے صوبہ پنجاب اور خیبرپختونخوا میں 20 سے 24 مئی کے دوران شدید گرمی اور ہیٹ ویو کے خدشے کے پیش نظر صوبائی ڈیزاسٹر مینجمنٹ اتھارٹیز نے الرٹ جاری کر دیا ہے۔ حکام کا کہنا ہے کہ ان دنوں درجہ حرارت معمول سے پانچ سے سات ڈگری سینٹی گریڈ زیادہ ہو سکتا ہے، جس کے باعث شہریوں کو شدید گرمی، تیز ہواؤں اور آندھی کا سامنا کرنا پڑ سکتا ہے۔ پنجاب کے تعلیمی اداروں میں گرمیوں کی چھٹیوں کا اعلان کر دیا گیا ہے۔ وزیرِ تعلیم کے مطابق صوبے بھر کے اسکولوں میں 28 مئی سے چھٹیاں شروع ہوں گی۔ ساتھ ہی سکولوں کے اوقاتِ کار میں بھی تبدیلی کر دی گئی ہے۔ اب اسکول صبح 7:30 بجے سے 11:30 بجے تک کھلے رہیں گے، تاکہ شدید گرمی سے بچوں کو محفوظ رکھا جا سکے۔ یہ فیصلہ بچوں کی صحت و سلامتی کو مدنظر رکھتے ہوئے کیا گیا ہے، اور تمام تعلیمی اداروں کو اس پر عملدرآمد کی ہدایت جاری کر دی گئی ہے۔ پنجاب میں پراوِنشل ڈیزاسٹر مینجمنٹ اتھارٹی نے بتایا ہے کہ بڑے شہروں اور میدانی علاقوں میں گرمی کی شدت غیر معمولی طور پر بڑھنے کا امکان ہے۔ اس صورتحال سے نمٹنے کے لیے کمشنر پنجاب نبیل جاوید نے تمام کمشنرز اور ڈپٹی کمشنرز کو فوری اقدامات کرنے کی ہدایت دی ہے۔ انہوں نے متعلقہ اداروں کو الرٹ رہنے اور باہمی رابطے کو یقینی بنانے کا کہا ہے۔ ڈی جی پی ڈی ایم اے عرفان علی کاٹھیا کے مطابق محکمہ تعلیم، صحت، ٹرانسپورٹ، بلدیاتی حکومت اور ریسکیو سمیت تمام محکموں کو ہدایات جاری کر دی گئی ہیں تاکہ کسی بھی ممکنہ ہنگامی صورتحال کا بروقت مقابلہ کیا جا سکے۔ ان کا کہنا تھا کہ عوام کو غیر ضروری نقل و حرکت سے گریز کرنے، ہلکے رنگ کے کپڑے پہننے، سر ڈھانپنے اور زیادہ پانی پینے کی ہدایت کی گئی ہے۔ انہوں نے بچوں اور بزرگوں کا خاص خیال رکھنے اور دوپہر کے اوقات میں جسمانی مشقت سے پرہیز کرنے کا مشورہ بھی دیا۔ عوامی مقامات پر صاف پانی کی دستیابی، اسپتالوں اور موبائل ہیلتھ یونٹس میں ہیٹ سٹروک کے علاج کی سہولیات کی فراہمی کو یقینی بنانے کی بھی ہدایت دی گئی ہے۔ اس کے علاوہ خیبرپختونخوا میں بھی جنوبی اور وسطی اضلاع میں گرمی کی شدت میں اضافہ متوقع ہے، جہاں دن کے اوقات میں درجہ حرارت معمول سے کئی درجے زیادہ ہو سکتا ہے۔ پی ڈی ایم اے کے مطابق گرمی کے باعث گرد و غبار، تیز ہوائیں، خشک موسم، برف پگھلنے کی رفتار میں اضافہ اور آبی ذخائر پر دباؤ بڑھنے کا خدشہ ہے۔ خیبرپختونخوا میں بھی تمام ضلعی انتظامیہ کو الرٹ جاری کر دیا گیا ہے۔ شہریوں کو دھوپ میں نکلنے سے اجتناب، پانی کا زیادہ استعمال اور بچوں و بزرگوں کو صبح 10 سے شام 5 بجے کے درمیان دھوپ سے بچانے کی تاکید کی گئی ہے۔ کسانوں کو فصلوں کی کٹائی کے دوران احتیاط برتنے اور مویشیوں کا خاص خیال رکھنے کی ہدایت دی گئی ہے۔ ساتھ ہی ہیلتھ اور میڈیکل سروسز، پیرا میڈیکس اور ریسکیو اداروں کو چوکنا رہنے اور ہیٹ سٹروک سینٹرز کو فعال رکھنے کی ہدایت جاری کی گئی ہے۔ شہریوں کو سفر سے قبل اپنی گاڑی کے انجن میں پانی اور ٹائروں کا پریشر چیک کرنے کا بھی مشورہ دیا گیا ہے تاکہ گرمی کے اثرات سے ممکنہ حد تک بچا جا سکے۔ سنیہا سچر، جنہوں نے اپنی آدھی زندگی دہلی میں گزاری اور اب کیلیفورنیا میں رہتی ہیں، گرمی برداشت کر سکتی ہیں۔ مگر ان کا کہنا ہے کہ دہلی اب پہلے سے کہیں زیادہ گرم محسوس ہوتا ہے۔ وہ کلین کولنگ کولیبریٹیو کے ساتھ کام کرتی ہیں، جو کہ ایسے طریقے تلاش کرنے میں لگی ہوئی ہیں جو انسانوں اور ماحول دونوں کے لیے بہتر ٹھنڈک فراہم کر سکیں۔ ان کے مطابق بڑھتی ہوئی گرمی خاص طور پر ان لوگوں کی روزی پر اثر ڈال رہی ہے جو باہر کام کرتے ہیں۔ وہ کہتی ہیں کہ محض 20 منٹ کا وقفہ، جیسے کہ کسی سائے دار اور ہوادار جگہ پر، بڑی تبدیلی لا سکتا ہے۔ ایسے سادہ طریقوں کے باوجود، طویل المدتی حل کے لیے جدید ٹیکنالوجی ناگزیر ہوتی جا رہی ہے کیونکہ موسمیاتی تبدیلیوں کی وجہ سے درجہ حرارت میں مسلسل اضافہ ہو رہا ہے۔ کولنگ مارکیٹ، جس کی مالیت اس وقت 235 ارب ڈالر سالانہ ہے، 2030 تک دوگنی ہو سکتی ہے۔ لیکن مسئلہ یہ ہے کہ موجودہ کولنگ آلات، خاص طور پر ایئر کنڈیشنرز، ایسے فریزرز استعمال کرتے ہیں جو ماحولیاتی لحاظ سے خطرناک ہوتے ہیں، جیسے کہ ہائیڈرو فلورو کاربنز جو کاربن ڈائی آکسائیڈ کے مقابلے میں کہیں زیادہ خطرناک ہیں۔ ابھی یہ تمام ٹیکنالوجیز اپنی ابتدائی مراحل میں ہیں، اور ان کی کارکردگی روایتی نظام سے کم ہے، مگر ماہرین کا خیال ہے کہ وقت کے ساتھ ان میں بہتری آئے گی۔ چیلنج یہ ہے کہ یہ ٹیکنالوجی صرف امیر ممالک تک محدود نہ رہے بلکہ وہاں بھی پہنچے جہاں گرمی سب سے زیادہ اثر ڈال رہی ہے، اور لوگ کولنگ سسٹمز کے متحمل نہیں ہو سکتے۔ محترمہ راسموسن کہتی ہیں کہ اصل سوال یہی ہے: کیا یہ ٹیکنالوجیز اتنی سستی ہو سکیں گی کہ ان لوگوں کے لیے قابلِ رسائی ہو جائیں جنہیں ان کی سب سے زیادہ ضرورت ہے؟
سکھوں کے مقدس مقامات کے محافظ، گولڈن ٹیمپل پر حملے کا انڈین الزام مسترد کرتے ہیں، پاکستان
پاکستان نے انڈین فوج کی طرف سے گولڈن ٹیمپل پر حملے کے الزام کو سختی سے مسترد کر دیا ہے۔ پاکستانی دفتر خارجہ کے ترجمان نے کہا ہے کہ پاکستان گولڈن ٹیمپل جیسے مقدس مقام کو نشانہ بنانے کا سوچ بھی نہیں سکتا، یہ الزام جھوٹا، بے بنیاد اور ناقابل قبول ہے۔ ترجمان کا کہنا تھا کہ انڈیا نے خود 6 اور 7 مئی کی درمیانی رات پاکستان میں عبادت گاہوں پر حملے کیے اور اب ان الزامات کے ذریعے اپنے ان قابل مذمت اقدامات سے دنیا کی توجہ ہٹانا چاہتا ہے۔ انہوں نے مزید کہا کہ پاکستان سکھ مذہب کے مقدس مقامات کا محافظ ہے اور یہاں ہر سال ہزاروں سکھ یاتری آتے ہیں۔ کرتارپور راہداری کے ذریعے پاکستان سکھ زائرین کو بغیر ویزا کے آنے کی سہولت فراہم کرتا ہے۔ اس لیے انڈیا کا الزام نہ صرف جھوٹا ہے بلکہ دونوں ممالک کے درمیان امن کے لیے نقصان دہ بھی ہے۔ مزید پڑھیں: کینیڈا، برطانیہ اور فرانس کی اسرائیل کو وارننگ: ’غزہ پر حملے ‘نہ رکے تو عملی اقدامات کریں گے
ہنگری کا ’انٹرنیشنل کریمنل کورٹ‘ سے علیحدگی کا فیصلہ
ہنگری کی پارلیمنٹ نے انٹرنیشنل کریمنل کورٹ (ICC) سے علیحدگی کے بل کی منظوری دے دی ہے، جس کے بعد ملک کا عالمی فوجداری عدالت سے انخلا کا ایک سالہ عمل شروع ہو جائے گا۔ عالمی فوجداری عدالت (ICC) نے اسرائیلی وزیر اعظم بنجمن نیتن یاہو کے خلاف جنگی جرائم کے الزامات میں وارنٹ جاری کیے ہیں، جس کے تحت انہیں قانونی طور پر گرفتار بھی کیا جا سکتا ہے۔ انہی حالات میں نیتن یاہو ہنگری کے ایک سرکاری دورے پر پہنچے ہیں۔ ان کے دورے کے دوران ہی عالمی عدالت کا یہ اہم اور غیر معمولی فیصلہ سامنے آیا ہے۔ منگل کے روز منظور ہونے والے اس بل کے حق میں 134 ارکانِ پارلیمنٹ نے ووٹ دیا جبکہ 37 نے مخالفت کی۔ بل میں واضح طور پر کہا گیا ہے کہ “ہنگری عالمی تنظیموں، خاص طور پر فوجداری عدالتوں کو سیاسی اثر و رسوخ کے ہتھیار کے طور پر استعمال کرنے کو سختی سے مسترد کرتا ہے۔” لازمی پڑھیں: کینیڈا، برطانیہ اور فرانس کی اسرائیل کو وارننگ: ’غزہ پر حملے ‘نہ رکے تو عملی اقدامات کریں گے وزیر اعظم وکٹر اوربان کی حکومت نے گزشتہ ماہ اس فیصلے کا عندیہ دیا تھا اور ICC پر جانبداری کا الزام لگاتے ہوئے اسے ‘سیاسی عدالت’ قرار دیا۔ ہنگری، جو 2001 میں ICC کا بانی رکن بنا تھا، اب اقوامِ متحدہ کے سیکریٹری جنرل کو تحریری اطلاع دینے کے ایک سال بعد باضابطہ طور پر عدالت سے علیحدہ ہو جائے گا۔ بل کے محرک اور نائب وزیر اعظم زولٹ شیمین نے اس اقدام کو ہنگری کی خودمختاری کا مظہر قرار دیتے ہوئے کہا کہ ملک اپنے عدالتی فیصلے خود کرنے کا حق رکھتا ہے۔ نیتن یاہو نے ہنگری کے اس اقدام کو ‘جرأت مندانہ اور اصولی فیصلہ’ قرار دیا ہے۔ دوسری جانب ICC کے صدر دفتر نے ہنگری کے فیصلے پر تشویش کا اظہار کرتے ہوئے کہا ہے کہ اس اقدام سے عالمی انصاف کے نظام کو نقصان پہنچ سکتا ہے۔ مزید پڑھیں: علی خان محمودآباد کی گرفتاری پرانڈین اپوزیشن سراپا احتجاج: ’بیان قوم دشمن تھا اور نہ ہی عورت مخالف ہے‘
