اب جماعت اسلامی اور حکومت کی مذاکراتی کمیٹیوں کا اجلاس 7 ستمبر کو اسلام آباد میں ہوگا۔ جماعت اسلامی کی مذاکراتی ٹیم کی سربراہی نائب امیر لیاقت بلوچ کریں گے، جب کہ جماعت اسلامی کا کہنا ہے کہ مذاکرات میں حکومت کی سنجیدگی اور مسئلے کے حل کے لیے عملی اقدامات اہم ہوں گے، تاہم ملک بھر میں دھرنے، احتجاج اور جلسے جاری رہیں گے۔
جماعت اسلامی نے پیٹرولیم لیوی کو عوام پر اضافی بوجھ قرار دیتے ہوئے حکومت سے اس میں کمی اور عوام کو فوری ریلیف دینے کا مطالبہ کر رکھا ہے۔ جماعت اسلامی کے مطابق احتجاجی دھرنے ملک کے مختلف شہروں میں جاری ہیں اور مطالبات تسلیم ہونے تک دھرنے اور احتجاج جاری رکھے جائیں گے۔
گزشتہ تفصیلات کے لیے یہاں کلک کریں!
