وزیراعلیٰ پنجاب مریم نواز شریف کی ہدایت پر رمضان پیکج پر اضافی رقم لینے والوں کے خلاف سخت ترین کارروائی کا آغاز کر دیا گیا، قصور، بھکر اور گجرانوالہ میں کارروائی کے دوران تین ملزمان کو گرفتار کر لیا گیا اور غیرقانونی دھندے میں ملوث ایجنٹس بلیک لسٹ کر دئیے گئے۔
قصور میں 10 ہزار روپے رمضان پیکج کی رقم پر 500 روپے غیر قانونی طور پر لینے والا ملزم بلال کو گرفتار کر لیا گیا۔ پولیس نے مکہ موبائل شاپ اور بھکر میں ایلفا ریٹیلر سیل کر دیں، ملزمان پر مقدمات درج کر لیا اور مشینیں بھی تحویل میں لے لیں۔
وزیراعلیٰ مریم نواز شریف نے رمضان پیکج سے اضافی رقم لینے کے واقعہ کا سخت نوٹس لیتے ہوئے پولیس اور انتظامیہ کو سرچ آپریشن کرنے اور ملزمان کے خلاف قانون کے تحت کارروائی کی ہدایت کی۔
مزید پڑھیں: ’عید کے بعد مہنگائی کے خلاف ملین مارچ کریں گے‘ جماعت اسلامی کا اعلان
وزیراعلیٰ مریم نوازشریف نے کہا کہ نادار غریبوں سے رقم وصول کرنے والے کسی رعایت کے مستحق نہیں۔
وزیراعلیٰ مریم نوازشریف نے عوام سے اپیل کی کہ رمضان پیکج حاصل کرنے والوں کو ایسی کسی بھی شکایت پر فوری 0800-02345 پر فری کال کر کے شکایات درج کرائیں۔ پنجاب حکومت مستحقین کو قطار سے بچانے کے لئے اس بار نقد رقوم ڈیجیٹل ٹیکنالوجی سے فراہم کررہی ہے۔
