ترک صدر رجب طیب اردوان نے کہا ہے کہ پاکستان اور ترکی دونوں ممالک آزاد فلسطینی ریاست کی حمایت کرتے ہیں۔
وزیراعظم شہباز شریف اور ترک صدر طیب اردوان نے مشترکہ پریس کانفرنس کی۔ ترک صدر نے کہا ہے دہشت گردی کے خاتمے کے لیے پاکستان کی کوششوں کی حمایت کرتے ہیں۔ دفاعی شعبے میں مشترکہ منصوبے شروع کرنا چاہتے ہیں۔
ترک صدر کا کہنا تھا کہ عالمی امور پر دونوں ملکوں کے خیالات میں ہم آہنگی ہے۔ شہباز شریف کو ترکیہ آمد پر خوش آمدید کہتے ہیں۔ باہمی رابطے مضبوط دوستی کی علامت ہیں۔
انہوں نے کہا کہ پاکستان دہشت گردی کے خاتمے کے لیے پرعزم ہے، دہشت گردی کے خاتمے کے لیے پاکستان کی کوششوں کی حمایت کرتے ہیں۔ دونوں ممالک آزاد فلسطینی ریاست کی حمایت کرتے ہیں۔ غزہ میں ہونے والی بربریت کی پاکستان نے بھرپور مذمت کی۔
پریس کانفرنس کرتے ہوئے وزیرِاعظم پاکستان کا کہنا تھا کہ شاندار استقبال پر ترک صدر کا شکریہ ادا کرتا ہوں۔ ترک صدر سے ملاقات پر خوشی ہوئی۔
انہوں نے کہا کہ رجب طیب اردوان کی قیادت میں ترکیہ نے مثالی ترقی کی، انسدادِ دہشت گردی کے لیے ترکیہ کے تعاون کے مشکور ہیں۔
وزیرِاعظم پاکستان کا کہنا تھا کہ دونوں ملکوں نے معدنیات، آئی ٹی اور دیگر شعبوں میں تعاون پر اتفاق کیا۔ غزہ میں پچاس ہزار معصوم جانوں کے ضیاع کی شدید مذمت کرتے ہیں اور فوری جنگ بندی کا مطالبہ کرتے ہیں۔
انہوں نے کہا کہ 2010 کے سیلاب میں آپ نے پاکستان کا دورہ کر کے متاثرین سے بھرپور یکجہتی کا مظاہرہ کیا، 2022 کے تباہ کن سیلاب میں ایک بار پھر پاکستان کا دورہ کیا۔
