آپریشن بنیان مرصوص کی کامیابی پر پنجاب اسمبلی نے متفقہ قرارداد منظور کر لی۔ قرارداد ڈپٹی اسپیکر ملک ظہیر اقبال چنڑ نے ایوان میں پیش کی، جس میں حکومت و اپوزیشن نے مسلح افواج اور پوری قوم کو زبردست خراج تحسین پیش کیا۔
قرارداد کے متن میں کہا گیا کہ “آپریشن بنیانِ مرصوص” میں پاک فضائیہ نے دشمن کے غرور کو خاک میں ملا دیا اور ملک کے دفاع کو ناقابل تسخیر بنا کر نئی تاریخ رقم کی۔
اس کے علاوہ ذرائع کے مطابق پاکستان انڈیا ڈی جی ایم اوز کے درمیان ہاٹ لائن پر رابطے کا پہلا مرحلہ مکمل ہو چکا ہے، جس میں سیکیورٹی صورتحال پر تبادلہ خیال کیا گیا۔
بات چیت کا یہ سلسلہ خطے میں کشیدگی میں کمی کے تناظر میں اہم پیش رفت قرار دیا جا رہا ہے۔
ایوان نے مکمل اتفاق رائے سے قومی یکجہتی کے جذبے کا اظہار کرتے ہوئے افواجِ پاکستان کو سلام پیش کیا۔
