پاکستان کی تاریخ میں فیلڈ مارشل کا عہدہ ایک منفرد حیثیت رکھتا ہے۔ یہ عہدہ دراصل ایک اعزازی عہدہ ہے جو کسی ایسی شخصیت کو دیا جاتا ہے جس نے اپنے ملک کے لئے غیر معمولی خدمات انجام دی ہوں۔
پاکستان کی تاریخ میں اب تک واحد فیلڈ مارشل ایوب خان تھے، مگر اب یہ اعزاز حافظ جنرل عاصم منیر کو دیا گیا، وفاقی حکومت نے یہ عہدہ جنرل منیر کو دیا ہے۔
دلچسپ بات یہ ہے کہ 1959 میں جب ایوب خان پاکستان کے کمانڈر ان چیف تھے تو انھیں کسی حکومتی یا فوجی ادارے نے یہ عہدہ نہیں دیا تھا بلکہ انھوں نے اپنی خود مختاری کے تحت اس عہدے کا فیصلہ کیا۔
فیلڈ مارشل کے عہدے کو پانچ سٹار جنرل کا درجہ حاصل ہوتا ہے جو کہ کسی بھی دیگر فوجی عہدے سے بلند تر سمجھا جاتا ہے۔
مزید پڑھیں: جنرل سید عاصم منیرکی فیلڈ مارشل کے عہدے پر ترقی، یہ انفرادی نہیں پوری قوم کے لیے اعزاز ہے، آرمی چیف
پاکستان میں اس عہدے کا دور دراز اور منفرد کردار ہے کیونکہ اس سے قبل اور اس کے بعد کسی اور پاکستانی فوجی افسر کو فیلڈ مارشل کا درجہ نہیں دیا گیا۔
فیلڈ مارشل تب تک اپنے عہدے کی طاقت کو برقرار رکھتا ہے جب تک وہ کمانڈنگ پوزیشن میں ہو، ورنہ یہ عہدہ محض ایک رسمی حیثیت اختیار کر لیتا ہے۔
