دنیا بھر میں موسمیاتی تبدیلی ایک سنگین اور تیزی سے بڑھتا ہوا مسئلہ بن چکا ہے، جو نہ صرف درجہ حرارت میں اضافے کا باعث بن رہی ہے بلکہ انسانی زندگی، معیشت، زراعت اور ماحولیات پر بھی گہرے اثرات ڈال رہی ہے۔
پاکستان جیسے ترقی پذیر ممالک ان تبدیلیوں کے شدید اثرات کی لپیٹ میں ہیں، جہاں کبھی شدید گرمی، کبھی غیر متوقع بارشیں اور کبھی طوفانی ہوائیں انسانی معمولات زندگی کو درہم برہم کر رہی ہیں۔
اب یہ صرف ماحولیاتی ماہرین کی تشویش کا موضوع نہیں رہا بلکہ ہر فرد، ہر خاندان اور ہر معاشرہ موسمیاتی تبدیلی کے اثرات کو روزمرہ زندگی میں محسوس کر رہا ہے۔
