اسرائیلی وزیردفاع اسرائیل کاٹز نے کہا ہے کہ اگر ایران نے اسرائیل کو کسی قسم کا نقصان پہنچانے کی کوشش کی تو اسرائیل دوبارہ بھرپور طاقت کے ساتھ کارروائی کرے گا۔
یروشلم میں فضائیہ کی پاسنگ آؤٹ پریڈ سے خطاب کرتے ہوئے وزیردفاع کا کہنا تھا کہ اسرائیل کا لمبا ہاتھ تہران، تبریز، اصفہان سمیت ہر اُس جگہ تک پہنچے گا جہاں سے اسرائیل کو خطرہ ہوگا، تم کہیں بھی چھپ نہیں سکتے۔
واضح رہے کہ جون میں اسرائیل نے ایران کے خلاف 12 روزہ فضائی کارروائی کی تھی، جس کے دوران ایرانی جوہری تنصیبات کو نشانہ بنایا گیا۔ اسرائیل نے دعویٰ کیا تھا کہ ایران جوہری ہتھیار بنانے کے قریب ہے، تاہم ایران نے اس الزام کو مسترد کیا ہے۔
بعدازاں امریکا کی ثالثی میں جنگ بندی طے پائی، جس کا اعلان سابق امریکی صدر ڈونلڈ ٹرمپ نے 23 جون کو کیا۔ اس جنگ بندی کے بعد دونوں ممالک کے درمیان کشیدگی میں وقتی کمی آئی۔
امریکی فضائیہ نے بھی اس دوران اسرائیلی کارروائیوں میں ساتھ دیا اور ایرانی جوہری تنصیبات کو نشانہ بنایا۔
وزیردفاع نے مزید کہا کہ اگر دوبارہ جانا پڑا تو زیادہ شدت سے جائیں گے۔
