یوکرینی صدر ولادیمرزیلنسکی نے موجودہ وزیرِ معیشت یولیا سویریڈینکو کو نئے وزیرِاعظم کے طور پر نامزد کردیا ہے۔
سماجی رابطے کی سائٹ ایکس (سابقہ ٹوئٹر) پر پوسٹ کرتے ہوئے یوکرینی صدر کا کہنا تھا کہ میں نے پہلی نائب وزیر اعظم یولیا سویریڈینکو سے ملاقات کی۔ یوکرین کی حمایت سے متعلق یورپی اور امریکی شراکت داروں کے ساتھ معاہدوں پر عمل درآمد کے بارے میں ایک رپورٹ پیش کی گئی، جو حالیہ یوکرین بحالی کانفرنس کے دوران طے پائے تھے۔ ہمیں ہر اس چیز کو تیزی سے نافذ کرنا چاہیے، جو ہماری ریاست اور معاشرے کی لچک کو مضبوط کر سکے۔
انہوں نے کہا کہ ہم نے یوکرین کی اقتصادی صلاحیت کو بڑھانے، یوکرینیوں کے لیے امدادی پروگراموں کو بڑھانے اور اپنے ملکی ہتھیاروں کی پیداوار کو بڑھانے کے لیے ٹھوس اقدامات پر بھی تبادلہ خیال کیا۔ اس مقصد کے حصول میں ہم یوکرین میں ایگزیکٹو برانچ کی تبدیلی کا آغاز کر رہے ہیں۔
ولادیمر زیلنسکی نے مزید کہا کہ میں نے تجویز پیش کی ہے کہ یولیا سویریڈینکو یوکرین کی حکومت کی قیادت کریں اور اپنے کام کی نمایاں طور پر تجدید کریں۔ میں مستقبل قریب میں نئی حکومت کے ایکشن پلان کی پیشکش کا منتظر ہوں۔
I held a meeting with First Deputy Prime Minister Yuliia Svyrydenko. A report was delivered on the implementation of agreements with European and American partners regarding support for Ukraine reached during the recent Ukraine Recovery Conference. We must swiftly implement… pic.twitter.com/AIipRnpA1f
— Volodymyr Zelenskyy / Володимир Зеленський (@ZelenskyyUa) July 14, 2025
خیال رہے کہ 39 سالہ یولیا سویریڈینکو رواں برس اس وقت عالمی توجہ کا مرکز بنیں، جب انہوں نے امریکا کے ساتھ ایک معدنیات کے معاہدے میں اہم کردار ادا کیا، یہ معاملہ واشنگٹن کے ساتھ تعلقات میں تناؤ کا باعث بننے والا تھا۔
اگر یوکرینی پارلیمنٹ نے ان کی تقرری کی منظوری دے دی تو وہ موجودہ وزیر اعظم ڈینس شمیہال کی جگہ لیں گی۔
مزید پڑھیں: ٹرمپ کی پالیسیوں کا عدالت میں دفاع کرنے والے محکمہ انصاف کے دو تہائی وکلاء مستعفی
یاد رہے کہ یولیا سویریڈینکو یوکرین کی نائب وزیر اعظم بھی ہیں اور روس کے حملے سے چند ماہ قبل انہیں معیشت کی وزارت سونپی گئی تھی۔
