نیشنل سائبر کرائم انویسٹی گیشن ایجنسی ( این سی سی آئی اے )لاہور زون کی جانب سے علیمہ خان کو ریاست مخالف سوشل میڈیا سرگرمیوں کے الزام میں نوٹس جاری کر دیا گیا ہے۔
علیمہ خان کو 17 جولائی کو صبح 11 بج کر 30 منٹ پر این سی سی آئی اے کے دفتر گلبرگ-II، لاہور میں ذاتی طور پر پیش ہونے کی ہدایت کی گئی ہے۔ نوٹس میں کہا گیا ہے کہ طلبی کا مقصد ان سے ان کے دفاع میں بیان ریکارڈ کرنا ہے۔

یہ کارروائی انکوائری نمبر 2531/25 مورخہ 27 مئی 2025 کے تحت عمل میں لائی جا رہی ہے، علیمہ خان پر الزام ہے کہ وہ سوشل میڈیا کے ذریعے ریاست مخالف سرگرمیوں میں ملوث رہی ہیں۔
نوٹس میں خبردار کیا گیا ہے کہ اگر ملزمہ پیش نہ ہوئیں تو یہ تصور کیا جائے گا کہ ان کے پاس اپنے دفاع میں کچھ پیش کرنے کو نہیں ہےاور عدم حاضری کی صورت میں قانونی کارروائی کو آگے بڑھایا جائے گا۔
مزید پڑھیں:صرف کارکردگی کو بنیاد بنایا جائے گا، ہر دو ماہ بعد تمام وزارتوں کا باقاعدہ جائزہ ہوگا، وزیراعظم
نیشنل سائبر کرائم انویسٹی گیشن ایجنسی وزارت داخلہ کے ماتحت ادارہ ہے،اور طلبی پر عمل نہ کرنے کی صورت میں علیمہ خان کے خلاف دفعہ 174 کے تحت قانونی کارروائی کی جا سکتی ہے۔