کراچی کے تھانہ ابراہیم حیدری پولیس نے خفیہ اطلاع پر کارروائی کرتے ہوئے ایک اہم کارروائی کے دوران تین ملزمان کو گرفتار کرلیا۔
کراچی پولیس کے مطابق ملزمان بے نظیر انکم سپورٹ پروگرام (بی آئی ایس پی) کے نام پر شہریوں کو دھوکہ دے رہے تھے، گرفتار ملزمان ایزی پیسہ اور موبائل ایسیسیریز کا کام کرتے تھے۔
کراچی پولیس کا کہنا ہے کہ گرفتار ملزمان خود کو نےنظیر انکم اسپورٹ پروگرام کے نمائندے ظاہر کر کے مستحق خواتین اور شہریوں سے ان کے شناختی کارڈ حاصل کرتے تھے۔
کراچی پولیس کے مطابق گرفتار ملزمان شناختی کارڈز سے امدادی رقم نکالتے اور شہریوں سے ہزاروں روپے کٹوتی کر لیتے تھے، ملزمان روزانہ کی بنیاد پر 50 سے زائد شناختی کارڈز کا اندراج کرتے تھے۔
کراچی پولیس نے کہا ہے کہ گرفتار ملزمان کی شناخت ذیشان، دانیال اور مجیب کے نام سے ہوئی ہے۔ گرفتار ملزمان کے قبضے سے متعدد شہریوں کے اصل شناختی کارڈز، تین موبائل فون اور ایک بےنظیر انکم اسپورٹ پروگرام ڈیوائس برآمد ہوئی ہے۔
کراچی پولیس نے کہا ہے کہ دورانِ تفتیش ملزمان نے اعتراف کیا کہ وہ بے نظیر انکم اسپورٹ پروگرام کو بدنام کرنے اور مستحقین کا حق چھیننے جیسے سنگین جرم میں ملوث رہے ہیں۔ ملزمان سرکاری ادارے کے نام پر عوام کو گمراہ کر کے ریاستی وسائل کو نقصان پہنچا رہے تھے۔
مزید پڑھیں: 14 برس میں پہلی مرتبہ پاکستان کا سالانہ کرنٹ اکاؤنٹ سرپلس، ترسیلات زر 38 ارب ڈالر
کراچی پولیس نے خبردار کیا ہے کہ اداروں کو ناجائز مقاصد کے لیے استعمال کرنے والوں کے خلاف سخت قانونی کارروائی کی جائے گی۔ عوام سے اپیل ہے کہ ایسے عناصر کی اطلاع فوری طور پر پولیس کو دیں تاکہ ان کے خلاف بروقت ایکشن لیا جا سکے۔
