بلوچستان کے ضلع مستونگ میں انڈین پراکسی فتنہ الہندوستان سے تعلق رکھنے والے دہشت گردوں کے خلاف سکیورٹی فورسز کے آپریشن میں تین دہشتگرد ہلاک اور میجر سمیت دو جوان شہید ہوگئے۔
آئی ایس پی آر کے مطابق سکیورٹی فورسز نے مستونگ میں انٹیلی جنس بیسڈ آپریشن کیا، آپریشن انڈین پراکسی فتنہ الہندوستان سے تعلق رکھنے والے دہشت گردوں کی موجودگی کی اطلاع پرکیا گیا۔
آپریشن کےدوران سکیورٹی فورسز نے دہشت گردوں کے ٹھکانےکو مؤثر انداز میں نشانہ بنایا، آپریشن کے دوران 3 دہشت گردوں کو ہلاک کردیا گیا،آپریشن کے دوران شدید فائرنگ کے تبادلے میں میجر زید سلیم سمیت 2 جوانوں نے جام شہادت نوش کیا۔
آئی ایس پی آر کا کہنا ہےکہ میجر زید سلیم اپنی ٹیم کی فرنٹ سے قیادت کر رہے تھے، 31 سال کے میجر زید سلیم کا تعلق خوشاب اور 22 سال کے سپاہی ناظم حسین کا جہلم سے تعلق تھا۔
یہ بھی پڑھین:قلات میں سیکیورٹی فورسز کا آپریشن، آٹھ دہشتگرد ہلاک
علاقے میں مزید انڈین حمایت یافتہ دہشت گردوں کے خاتمے کے لیے کلیئرنس آپریشن جاری ہے۔ سکیورٹی فورسز ملک سے بھارتی سرپرستی میں ہونے والی دہشت گردی کے خاتمے کے لیے پرعزم ہیں
