برازیل کی ریاست پاراناہ میں ایک حیران کن واقعہ پیش آیا، جہاں بس میں سفر کرنے والی 20 سالہ لڑکی کے بے ہوش ہونے کے بعد اس کے جسم سے 26 آئی فونز برآمد ہوئے۔
رپورٹ کے مطابق لڑکی کو سانس لینے میں دشواری کا سامنا تھا اور اسے دورے پڑ رہے تھے۔ موقع پر پہنچنے والے پیرا میڈکس نے فوری طور پر طبی امداد دی، تاہم 45 منٹ کی کوشش کے باوجود اسے بچایا نہ جاسکا۔
طبی عملے نے تصدیق کی کہ لڑکی کو دل کا دورہ پڑا، جس کی وجہ سے وہ جانبر نہ ہوسکی۔ مگر لوگوں کو اس وقت شدید حیرانی ہوئی، جب لڑکی کے جسم سے 26 آئی فونز برآمد کیے گئے۔
پولیس کے مطابق یہ تمام آئی فونز لڑکی کے جسم پر گوند کے ذریعے چپکائے گئے تھے۔ حکام کا کہنا ہے کہ واقعے کی تحقیقات جاری ہیں اور لڑکی کی موت کی اصل وجہ فارنزک رپورٹ آنے کے بعد معلوم ہو سکے گی۔
واضح رہے کہ برآمد شدہ آئی فونز کو فیڈرل ریونیو سروس کے حوالے کردیا گیا ہے۔
