لاہور میں اسموگ کے تدارک کے لیے جدید ترین ڈسٹ سسپنشن سسٹم کی اسمبلنگ شروع کردی گئی، یہ سسٹم بوقت ضرورت مختلف مقامات پر تعینات کیا جائے گا۔
سماجی رابطے کی سائٹ ’ایکس’ (سابقہ ٹوئٹر) پر وزیرِاعلیٰ پنجاب مریم نواز شریف نے کہا ہے کہ دنیا کا پہلا آزمودہ ڈسٹ سسپنشن سسٹم 15 جدید اینٹی اسموگ گنز کے ساتھ لاہور پہنچ چکا ہے اور اسے اسمبل کیا جارہا ہے۔
ان کا کہنا تھا کہ یہ اعلی درجے کی فوگ کینن PM2.5 اور PM10 سمیت نقصان دہ ہوا سے پیدا ہونے والے ذرات کو پکڑنے کے لیے انتہائی باریک پانی کی دھند کو چھڑکتی ہیں اور انہیں ہوا کو صاف کرنے پر مجبور کرتی ہیں۔
Alhamdulilah the first ever world tested dust suspension system comprising of 15 Anti Smog Guns has arrived in Lahore and is being assembled. These advanced fog cannons spray ultra fine water mist to capture harmful airborne particles, including PM2.5 & PM10, forcing them to… pic.twitter.com/aa3JoEIoK0
— Maryam Nawaz Sharif (@MaryamNSharif) August 1, 2025
وزیراعلیٰ پنجاب نے اپنی پوسٹ میں لکھا کہ یہ اینٹی اسموگ گنز مشینیں لاہور میں لگائی جائیں گی اور پنجاب کے ریئل ٹائم ایئر کوالٹی مانیٹرنگ نیٹ ورک اور انوائرنمنٹ پروٹیکشن فورس کے ساتھ مکمل طور پر مربوط ہوں گی، جہاں کہیں بھی آلودگی بڑھے گی، یہ سسٹم خودکار طریقے سے کام کرنے لگیں گے۔
انہوں نے بتایا کہ سیٹلائٹ ڈیٹا، ڈرونز، کیوآرکوڈڈ بھٹیوں اوراے آئی پر مبنی ٹریکنگ کے ساتھ منسلک، یہ ماحولیاتی نفاذ میں ایک بڑی پیش رفت ہے۔
مریم نواز نے اس عزم کا اعادہ کیا کہ ٹیکنالوجی اور شہریوں کے باہمی تعاون سے ہم ان شاءاللہ سموگ پر کنٹرول پا لیں گے۔
