این ڈی ایم اے نے ملک کے بالائی اور وسطی علاقوں میں پانچ تا آٹھ اگست تک شدید بارشوں سے ممکنہ سیلابی صورتحال کا الرٹ جاری کردیا ہے۔
این ڈی ایم اے کے مطابق دریائے چناب اور دریائے جہلم میں درمیانے سے اونچے درجے کے سیلاب کا خدشہ ہے۔ دریائے کابل میں نوشہرہ کے مقام پربہاؤ تیزہونے کا امکان ہے۔
این ڈی ایم اے کے مطابق ممکنہ بارشوں سے ہنزہ،گھانچے اور شگر میں اچانک سیلابی صورتحال اور ندی نالوں میں طغیانی متوقع ہے۔ اس کے علاوہ سوات اور پنجکوڑہ کے ندی نالوں میں طغیانی کا خدشہ ہے۔
مزید پڑھیں: بنگلہ دیش کی عبوری حکومت کا عام انتخابات کرانے کا اعلان، کب ہوں گے؟
این ڈی ایم اے کے مطابق مون سون بارشوں کے نتیجے میں تربیلا ڈیم 94 فیصد اور منگلا ڈیم 61 فیصد بھرچکا ہے، مزید یہ کہ تربیلا،کالا باغ، چشمہ، تونسہ اورگڈوبیراج میں درمیانے درجےکا بہاؤ بھی متوقع ہے۔ اس حوالے سے تمام متعلقہ اداروں کو ممکنہ خطرات سے نمٹنے کےلیے اگاہی فراہم کی جا رہی ہے۔
این ڈی ایم اے کا کہنا ہےکہ ممکنہ سیلابی صورتحال کے حوالے سے حساس علاقوں میں غیرضروری سفرسے گریز کریں۔ تیزبہاؤکی صورت میں ندی نالوں، پلوں اورپانی میں ڈوبی سڑکوں سے گزرنے سےگریزکریں۔
مقامی انتظامیہ اور متعلقہ ادارے نشیبی علاقوں سے فوری نکاسی آب کے لیے ضروری مشینری تیار رکھیں۔
