محکمہ تعلیم پنجاب نے موسم گرما کی تعطیلات میں اضافہ کر دیا ہے اور اعلان کیا ہے کہ صوبے بھر کے تمام اسکول اب 15 اگست کے بجائے یکم ستمبر کو کھلیں گے۔
صوبائی وزیر تعلیم پنجاب، رانا سکندر حیات نے سوشل میڈیا کے پلیٹ فارم ‘ایکس’ پر ایک ٹوئٹ میں اس فیصلے کا اعلان کرتے ہوئے کہا کہ گرمی اور حبس کی شدت کو مدنظر رکھتے ہوئے یہ فیصلہ کیا گیا ہے تاکہ طلبا، اساتذہ اور اسکول عملے کو ممکنہ طور پر درپیش مشکلات سے بچایا جا سکے۔
اس سے قبل محکمہ تعلیم کے ذرائع نے بتایا تھا کہ گرمی کی شدت کے باعث چھٹیوں کو 31 اگست تک بڑھانے کی تجویز زیر غور ہے، جس پر مشاورت جاری تھی۔
مزید پڑھیں:بلوچستان حکومت کا صوبہ بھر میں 31 اگست تک انٹرنیٹ سروس معطل رکھنے کا فیصلہ
واضح رہے کہ پنجاب میں وقفے وقفے سے بارشوں کا سلسلہ جاری ہے، تاہم اگر بارشیں کم رہیں تو موسم شدید گرم اور حبس زدہ ہو سکتا ہے۔ یہی موسمی حالات اسکول کھولنے یا بند رکھنے کے فیصلے میں بنیادی عنصر ثابت ہوئے۔
