ستمبر میں عوام کو ایک ساتھ تین روزہ طویل تعطیلات کا امکان ہے۔
نجی ٹی وی سما نیوز کے مطابق سپارکو کی پیش گوئی ہے کہ 24 اگست کو ماہِ ربیع الاول کا چاند نظر آنے کا امکان ہے۔
اگر یہ پیش گوئی درست ثابت ہوئی تو عید میلاد النبی ﷺ 5 ستمبر بروز جمعہ کو ملک بھر میں عقیدت و احترام کے ساتھ منائی جائے گی اور اس دن سرکاری تعطیل ہوگی۔
اس کے اگلے روز 6 ستمبر کو یوم دفاع پاکستان کی مناسبت سے عام تعطیل متوقع ہے، جب قوم اپنے شہداء اور غازیوں کو خراج عقیدت پیش کرتی ہے۔
7 ستمبر اتوار کی معمول کی چھٹی ہوگی۔ اس طرح عوام کو تین دن کی طویل تعطیلات میسر آئیں گی۔
یاد رہے کہ حکومت کی جانب سے سال 2025 کی عام تعطیلات اور اختیاری چھٹیوں سے متعلق نوٹیفکیشن میں یوم دفاع پاکستان کے حوالے سے چھٹی کا کوئی ذکر شامل نہیں کیا گیا۔
نوٹیفکیشن کے مطابق 5 یا 6 ستمبر کو صرف عید میلاد النبی ﷺ کی مناسبت سے تعطیل ہوگی۔
