فیڈرل پبلک سروس کمیشن نے سی ایس ایس مقابلے کے تحریری امتحان برائے 2025کے نتائج کا اعلان کر دیا ہے۔
فیڈرل پبلک سروس کمیشن کی جانب سے جاری کردہ پبلک نوٹس میں بتایا گیا ہے کہ امتحان میں 18 ہزار 139 امیدواروں نے درخواست دی تھی جن میں سے 12 ہزار 792 امیدوار شریک ہوئے ہیں اور پبلک نوٹس کے مطابق صرف 354 امیدوار کامیاب ہو سکے ہیں۔
اس طرح کامیابی کا تناسب محض دو اعشاریہ 77 فیصد رہا ہے جو فیڈرل پبلک سروس کمیشن کے مطابق جن امیدواروں کے کیسز مسترد کیے گئے ہیں ان کے نتائج قواعد کے مطابق روک دیے گئے ہیں۔
فیڈرل پبلک سروس کمیشن کا کہنا ہے کہ کامیاب امیدواروں کو آئندہ مراحل کے لیے جلد مطلع کیا جائے گا، جن میں میڈیکل ٹیسٹ، نفسیاتی جائزہ اور زبانی امتحان ‘وائیوا ووائس’ شامل ہیں۔
