دفتر خارجہ کے ترجمان کے مطابق یہ رابطہ دیر رات ہوا، جس دوران پاکستان کی جانب سے امن کے لیے کی جانے والی سفارتی کاوشوں پر تبادلہ خیال کیا گیا۔
گفتگو کے دوران دونوں رہنماؤں نے اس بات پر زور دیا کہ خطے اور اس سے باہر امن و استحکام کے لیے مسلسل مذاکرات اور مؤثر سفارت کاری ناگزیر ہے، جبکہ کشیدگی میں کمی اور پائیدار امن کے لیے رابطوں کا سلسلہ جاری رکھنے پر بھی اتفاق کیا گیا۔
ترجمان کے مطابق دونوں وزرائے خارجہ نے علاقائی صورتحال کے مختلف پہلوؤں کا جائزہ لیا اور باہمی تعاون کو مزید مضبوط بنانے کے امکانات پر بھی غور کیا۔
یہ پیش رفت ایسے وقت میں سامنے آئی ہے جب خطے میں سفارتی سرگرمیاں تیز ہو چکی ہیں اور مختلف ممالک کشیدگی کم کرنے اور امن کے قیام کے لیے متحرک ہیں۔
