وزیرِ دفاع خواجہ آصف نے کہا ہے کہ یہ سیلاب بھی یہودی ایجنٹ لگتا ہے، انگریز کے بنائے 200 سال پرانے پل نہیں توڑتا اور ہمارے محبِ وطن ٹھیکیداروں کے پل بہا لے جاتا ہے۔
سماجی رابطے کی سائٹ ایکس (سابقہ ٹوئٹر) پر خواجہ آصف نے ایک ویڈیو شیئر کرتے ہوئے لکھا ہے کہ اس وڈیو کے ساتھ آواز پاکستان تحریکِ انصاف (پی ٹی آئی) کے لیڈر عمر فاروق مائر صاحب کی ہے اور یہ نشاندہی انہوں نے میرے خیال میں عبوری حکومت کے وقت کی تھی، جب کے یہ وڈیو آج کی ہے۔
خواجہ آصف نے کہا کہ میری آج اس پراجیکٹ کے ڈائریکٹر سے بات ہوئی ہے اور وہ میرے مؤقف اور پریشانی سے اتفاق کرتے ہیں۔ پراجیکٹ پی ٹی آئی کی حکومت میں 2019 میں شروع ہوا اور عمرفاروق مائر، جو پی ٹی آئی کے فاؤنڈر ممبر ہیں، اس وقت اس تباہی کی پیشگوئی کر رہے تھے۔
اس وڈیو کیساتھ آواز pti کے لیڈر عمر فاروق مائر صاحب کی ھے۔ اور یہ نشاندھی انہوں میرے خیال میں interim govt کے وقت کی تھی ۔ جب کے یہ وڈیو آج کی ھے۔ میری آج اس پراجیکٹر کے ڈائریکٹر سے بات ھوئ ھے اور میرے موقف اور پریشانی سے اتفاق کرتے ھیں۔ پراجیکٹ pti کی حکومت میں 2019 میں شروع… pic.twitter.com/DWVsRITW2J
— Khawaja M. Asif (@KhawajaMAsif) August 30, 2025
وزیرِ دفاع نے لکھا کہ عمر فاروق مائرنے ہی ڈار برادران کا نام لیا ہے۔ زیڈ کے بی، جو اس پراجیکٹ کے کنٹریکٹر ہیں، مشہور و معروف ٹھیکدار اور پارلیمنٹ کے ایوان بالا کی بااثر شخصیت ہیں۔
مزید پڑھیں: وزیراعظم کا چین میں تیانجن یونیورسٹی کا دورہ، ’چینی جدید ٹیکنالوجی قدرتی آفات کے لیے مددگار ثابت ہوگی‘
انہوں نے کہا کہ میرا ان سے تعارف 2013 میں ہوا تھا، جب میں وزیر پانی و بجلی تھا۔ وہ بلوچستان میں ایک ٹھیکہ لینے کے امیدوار تھے۔ وہ ایک علیحدہ کہانی ہے کہ سفارشی میرے چند ساتھی تھے۔ میر ا شہر پی ٹی آئی کی لوکل قیادت ٹھیکیدار زیڈ کے بی اور چند بیوروکریٹس نے مل کے تباہ کیا ہے، میں ان کا قبر تک پیچھا نہیں چھوڑوں گا۔
منقولُ
— Khawaja M. Asif (@KhawajaMAsif) August 30, 2025
یہ سیلاب بھی یہودی ایجنٹ لگتا ہے انگریز کے بنائے 200 سال پرانے پل نہیں ٹورتا اور ہمارے محب وطن ٹھیکیداروں کے پل بہا لے جاتا ہے
ایکس پر جاری ایک اور تحریر نقل کرتے ہوئے ان کا کہنا تھا کہ یہ سیلاب بھی یہودی ایجنٹ لگتا ہے، انگریز کے بنائے 200 سال پرانے پل نہیں توڑتا اور ہمارے محب وطن ٹھیکیداروں کے پل بہا لے جاتا ہے۔
