چینی صدر کو اپنی تقریر میں امریکا کا ذکر کرنا چاہیے تھا، ڈونلڈ ٹرمپ

سابق امریکی صدر ڈونلڈ ٹرمپ نے کہا ہے کہ چینی صدر شی کو اپنی تقریر میں امریکا کا ذکر کرنا چاہیے تھا کیونکہ دوسری جنگ عظیم کے دوران امریکا نے چین کی بھرپور مدد کی تھی۔

پولینڈ کے صدر کے ہمراہ میڈیا سے گفتگو کرتے ہوئے ٹرمپ کا کہنا تھا کہ پولش صدر کے ساتھ ملاقات نہایت مثبت رہی اور اگر پولینڈ چاہے تو وہاں مزید امریکی فوجی تعینات کیے جا سکتے ہیں۔

امریکی صدر نے کہا کہ وینزویلا خطے میں منفی کردار ادا کر رہا ہے اور لاکھوں مجرموں اور منشیات امریکا بھیج رہا ہے۔

ان کا کہنا تھا کہ بائیڈن انتظامیہ کی غلط پالیسیوں نے ملک کو نقصان پہنچایا ہے، جب کہ ڈیموکریٹس جرائم کی حمایت اور ریپبلکنز اس کی مخالفت کر رہے ہیں۔

🔥🔥" IF I DIDNT WIN THIS ELECTION OUR COUNTRY WOULD BE DESTROYED" – TRUMP
President Trump Meets with Polish President Karol Nawrocki.Nawrocki says " THIS IS THE FIRST TIME IN HISTORY THAT THE POLES ARE HAPPY THAT WE HAVE FOREIGN SOLDIERS"
Trump says "Poland is ONE OF… pic.twitter.com/mI3ltGO2WF

— Johnny St.Pete (@JohnMcCloy) September 3, 2025

ڈونلڈ ٹرمپ نے کہا کہ چین میں ہونے والی فوجی پریڈ شاندار تھی اور ان کے صدر شی کے ساتھ اچھے تعلقات ہیں، تاہم تقریر میں امریکا کا ذکر نہ کرنا قابلِ افسوس ہے۔

انہوں نے دعویٰ کیا کہ اپنے دورِ صدارت میں انہوں نے سات جنگوں کا خاتمہ کیا۔ روس کے حوالے سے سوال پر ٹرمپ کا کہنا تھا کہ ان کے پاس صدر پیوٹن کے لیے کوئی خاص پیغام نہیں، وہ جانتے ہیں کہ میں کہاں کھڑا ہوں، ایک یا دو ہفتوں میں واضح ہو جائے گا کہ روس کے ساتھ تعلقات کس سطح پر ہیں۔

شکاگو کی صورتحال پر بات کرتے ہوئے ٹرمپ نے کہا کہ شہر میں امن و امان کی حالت خراب ہے اور صرف ایک ہفتے میں متعدد افراد ہلاک ہو چکے ہیں۔