نیشنل ڈیزاسٹر منیجمنٹ اتھارٹی (این ڈی ایم اے) کے نیشنل ایمرجنسی آپریشن سینٹرنے گلگت بلتستان اور آزاد کشمیر میں لینڈ سلائیڈز کے خطرے کا الرٹ جاری کر دیا ہے۔
این ڈے ایم اے کے مطابق گلگت بلتستان اور آزاد کشمیر میں ممکنہ بارشوں کے پیش نظر حساس علاقو ں میں لینڈ سلائیڈنگ کا خدشہ ہے۔ کشمیر کے اضلاع بلخصوص مظفرآباد، نیلم ویلی، حویلی، باغ، پونچھ اور سدھنوتی میں شدیدبارشوں کا امکان ہے۔
این ڈی ایم اے کا کہنا ہے کہ بارشوں اور ممکنہ سیلابی صورتحال کے باعث شاہراہ قراقرم کے مختلف مقامات پر لینڈ سلائیڈز کا خطرہ بڑھ گیا ہے، لینڈ سلائیڈنگ سے ممکنہ طور پر ٹورغرروڈ 120، بٹگرامروڈ 140، شانگلہ روڈ 160، لوئر کوہستان روڈ 180، تتا پانی روڈ 320 تا 360متاثر ہو سکتی ہیں۔
ان کے علاوہ گلگت روڈ 400 تا 420 اور ہنزہ روندو سمیت اسکردو اور چترال کے مقامات پر بھی لینڈ سلائیڈنگ کا خدشہ ہے۔
این ڈی ایم اے نے ہدایت کی ہے کہ پہاڑی علاقوں میں لینڈ سلائیڈزکے خطرے کے پیشِ نظر غیر ضروری سفر سے گریز کریں، موسم اور سڑکوں کی صورتحال سے باخبر رہنے کے لیے ریڈیو، ٹی وی اور پاک این ڈی ایم اے ڈیزاسٹر الرٹ سے راہنمائی لیں۔
این ڈی ایم اے نے کہا ہے کہ نیشنل ایمرجنسیز آپریشن سینٹر 24 گھنٹے کے لئے مکمل فعال ہے،
این ڈی ایم اے سول و عسکری اداروں کے ساتھ رابطے میں ہے۔ مقامی انتظامیہ کی ہدایات پر فوری عمل کریں اور ہنگامی حالات میں امدادی ٹیموں سے رابطہ کریں۔
