نیشنل ڈیزاسٹر مینجمنٹ اتھارٹی (این ڈی ایم اے) نے اعلان کیا ہے کہ خانپور ڈیم میں پانی کی سطح بلند ہونے کے باعث آج شام پانچ بجے اسپل وے آپریشن شروع کرنے کا فیصلہ کیا گیا ہے۔
این ڈی ایم اے کے جاری کردہ بیان کے مطابق ہارو دریا پر واقع خانپور ڈیم میں پانی کا لیول 1981.55 فٹ تک پہنچ گیا ہے، جبکہ ڈیم کی زیادہ سے زیادہ ذخیرہ کرنے کی گنجائش 1982 فٹ ہے۔
خانپور ڈیم کا لیول 1981.55 فٹ تک پہنچ گیا ہے۔ خان پور ڈیم میں پانی کے ذخیرہ کی گنجائش1982فٹ ہے۔آج شام 5 بجے سپل وے کھولنےکا فیصلہ ۔سپل ویز کھلنے کے باعث ہارو دریا میں پانی کے بہاؤ میں اضافہ متوقع۔ آبادیوں کو احتیاطی تدابیر اختیار کریں اور مقامی انتظامیہ کی ہدایات پر عمل کریں۔ pic.twitter.com/Lwo2aZLlLL
— NDMA PAKISTAN (@ndmapk) September 6, 2025
اتھارٹی نے خبردار کیا ہے کہ اسپل وے کھلنے سے ہارو دریا میں پانی کے بہاؤ میں نمایاں اضافہ متوقع ہے۔ اس سلسلے میں دریا کے قریب واقع آبادیوں کو احتیاطی تدابیر اختیار کرنے اور متعلقہ اداروں کی ہدایات پر عمل کرنے کی تاکید کی گئی ہے۔
