جنوبی وزیرستان کے اعظم ورسک بازار میں واقع مسجد میں دھماکے کے نتیجے میں جے یو آئی کے ضلعی امیر سمیت کئی افراد زخمی ہو گئے۔
پولیس کے مطابق دھماکا مسجد کے اندر نصب دھماکا خیز مواد کی وجہ سے ہوا۔
ڈی پی او آصف بہادر نے بتایا کہ اس واقعے میں جے یو آئی کے ضلعی امیر عبداللہ ندیم سمیت چار افراد زخمی ہوئے ہیں۔
یہ واقعہ ایسے وقت میں پیش آیا ہے جب ماضی میں بھی مساجد کو نشانہ بنایا جا چکا ہے۔
کچھ عرصہ قبل نوشہرہ میں دارالعلوم حقانیہ اکوڑہ خٹک کی مسجد میں ایک خودکش حملہ ہوا تھا، جس میں جے یو آئی (س) کے سربراہ مولانا حامد الحق سمیت آٹھ افراد شہید اور کئی زخمی ہوئے تھے۔
