پہلگام واقعہ کے بعد انڈین فوج میں ’بغاوت‘۔ تلخ کلامی پرفائرنگ، 5 سکھ سپاہی ہلاک

پاکستان کے خلاف زہریلا پراپیگنڈا کرنے والے انڈیا کی اپنی فوج میں بغاوت پھیل گئی۔ ہندو اور سکھ سپاہیوں میں معمولی تلخ کلامی پر ہنگامہ ہوگیا، ہندو اور سکھ فوجیوں کی ایک دوسرے پر فائرنگ سے 5 سکھ سپاہی ہلاک ہوگئے ۔    

پہلگام واقعے کے بعد انڈیا میں نہ صرف مسلمانوں بلکہ دیگر اقلیتوں کیخلاف نفرت میں شدید اضافہ ہوگیا ہے۔  ایک ناخوشگوار واقعے میں چنار کور میں 185 بی ایس ایف کے ہندو سپاہیوں اور 15 سکھ لائٹ انفنٹری کے خالصتان حامی سکھ سپاہیوں کے درمیان تلخ کلامی ہوئی جو شدید فائرنگ میں تبدیل ہو گئی، جس کے نتیجے میں 15 سکھ لائٹ انفنٹری کے 5 سکھ فوجی گولیوں کا نشانہ بن کر ہلاک ہو گئے۔

مزید پڑھیں: پہلگام واقعہ، پاکستان اور انڈیا کے درمیان اب تک کیا کچھ ہوا؟

اطلاعات کے مطابق ہلاک ہونے والے 5 میں سے 4 کا تعلق ہریانہ سے جبکہ پانچویں کا تعلق امرتسر سے ہے۔ لاشوں کو ان کے آبائی علاقوں کو روانہ کر دیا گیا ہے جبکہ کور سطح کی کورٹ آف انکوائری کا حکم دے دیا گیا ہے۔

ذرائع کے مطابق 185 بی ایس ایف کے کمانڈنٹ راکیش تیواری کو عہدے سے ہٹا دیا گیا ہے اور ان کی جگہ 128 بی ایس ایف کے ڈپٹی کمانڈنٹ کو فوری طور پر چارج سنبھالنے کا حکم دے دیا گیا ہے۔

مزید پڑھیں: زیارت میں سیکیورٹی فورسز کی کارروائی: بی ایل اے کے 7 دہشت گرد ہلاک