آئرلینڈ نے ڈبلن میں پاکستان کے خلاف پہلا ویمنز ٹی 20 انٹرنیشنل میچ 11 رنز سے جیت لیا۔
اس فتح کے ساتھ آئرلینڈ نے تین میچوں پر مشتمل سیریز میں ایک صفر کی برتری حاصل کی ہے۔
آئرلینڈ نے پہلے بیٹنگ کرتے ہوئے 19.4 اوورز میں 142 رنز کا ہدف دیا۔ پاکستانی ٹیم اس ہدف کے تعاقب میں صرف 131 رنز ہی بنا سکی اور 20 اوورز میں 9 وکٹیں گنوا کر میچ ہار گئی۔
پاکستانی ٹیم کے لیے کپتان فاطمہ ثنا نے 4 وکٹیں حاصل کیں مگر اس کے باوجود پاکستانی بیٹنگ لائن اس ہدف کو حاصل کرنے میں ناکام رہی۔ پاکستان کی جانب سے نٹالیا پرویز 29 رنز کے ساتھ سب سے نمایاں بیٹر رہیں۔
اس شکست کے بعد پاکستان کو سیریز میں کم بیک کرنے کے لیے دوسرے میچ میں بہتر کارکردگی دکھانے کی ضرورت ہے۔
واضع رہے کہ پی سی بی کے مطابق 20 کھلاڑیوں کو پانچ مختلف کیٹیگریز میں کنٹریکٹس دیے گئے ہیں اور تمام کیٹیگریز میں کھلاڑیوں کے معاوضوں میں 50 فیصد تک اضافہ کیا گیا ہے۔
کیٹیگری اے میں فاطمہ ثناء، منیبہ علی، سعدیہ اقبال اور سدرہ امین شامل ہیں۔ کیٹیگری بی میں عالیہ ریاض، ڈیانا بیگ اور نشرا سندھو کا نام ہے جبکہ کیٹیگری سی میں رمین شمیم کو کنٹریکٹ دیا گیا ہے۔
مزید پڑھیں: پی سی بی نے خواتین کرکٹرز کے لیے ‘سینٹرل کنٹریکٹ’ جاری کر دیے
مزید براں کیٹیگری ڈی میں گل فیروزہ، نجیہ علوی، ناتالیہ پرویز، عمائمہ سہیل، صدف شمس، سدرہ نواز، عروب شاہ، طوبیٰ حسن، ام ہانی اور وحیدہ اختر کو شامل کیا گیا ہے۔
اس کے علاوہ، ابھرتی کھلاڑیوں کے لیے ایمرجنگ کیٹیگری متعارف کرائی گئی ہے جس میں نوجوان کرکٹرز ایمان فاطمہ اور شوال ذوالفقار کو رکھا گیا ہے۔
