ورلڈ ایتھلیٹکس چیمپئن شپ کے جیولن تھرو کوالیفائنگ راؤنڈ کے گروپس کا اعلان کردیا گیا ہے۔
پاکستان کے ارشد ندیم اور انڈیا کے نیرج چوپڑا کو علیحدہ علیحدہ گروپس میں شامل کیا گیا ہے۔
ارشد ندیم کو گروپ بی میں رکھا گیا ہے جس میں دو انڈین کھلاڑی روہت یادو اور یاش ویر سنگھ بھی شامل ہیں۔
اس کے علاوہ گروپ میں عالمی نمبر تین اینڈرسن پیٹرز، جولیس یگو اور لوئیس موریسیو ڈا سلوا بھی شامل ہیں۔ ارشد ندیم کے تھروز پاکستانی وقت کے مطابق چار بجکر 45 منٹ پر شروع ہوں گے۔
کوالیفائنگ راؤنڈ کا معیار یہ ہے کہ اگر کوئی کھلاڑی بیانوے میٹر سے زیادہ دور تھرو کرتا ہے تو وہ براہ راست فائنل کے لیے کوالیفائی کر جائے گا۔ اس کے علاوہ بہترین بارہ تھرو کرنے والے کھلاڑی فائنل میں جگہ بنائیں گے۔
مزید براں ورلڈ ایتھلیٹکس چیمپئن شپ کا یہ مرحلہ عالمی معیار کی سطح پر منعقد ہو رہا ہے جس میں مختلف ممالک کے نمایاں ایتھلیٹس حصہ لے رہے ہیں۔ ارشد ندیم اور نیرج چوپڑا کی علیحدہ گروپس میں شمولیت مقابلے کی سختی اور منصفانہ جانچ کو یقینی بناتی ہے۔
واضع رہے کہ پاکستانی ایتھلیٹکس حکام نے کہا ہے کہ ارشد ندیم اپنی بہترین کارکردگی دکھانے کے لیے تیار ہیں اور امید ہے کہ وہ فائنل میں جگہ بنا سکیں گے۔
چیمپئن شپ کے آئندہ مراحل میں کامیابی کے امکانات پر مزید بات چیت کی جائے گی۔
