روسی فضاؤں میں گزشتہ رات ایک خطرناک ڈرون حملوں کی لہر دیکھی گئی، جب یوکرین کی جانب سے بھیجے گئے 91 ڈرونز کو روسی فضائی دفاع نے ہدف بنا کر تباہ کر دیا۔
وزارت دفاع کے مطابق سب سے زیادہ 40 ڈرونز سرحدی علاقے کورسک میں مار گرائے گئے، جہاں حال ہی میں صدر ولادیمیر پیوٹن نے دعویٰ کیا تھا کہ روسی فوج نے یوکرینی فورسز کو مکمل طور پر پیچھے دھکیل دیا ہے۔
دو ڈرونز دارالحکومت ماسکو کے علاقے میں گرائے گئے جبکہ باقی مغربی، جنوبی علاقوں اور کریمیا کے اوپر تباہ کیے گئے۔
روسی حکام نے حملوں سے ممکنہ نقصانات یا نقصان کی تفصیلات جاری نہیں کیں، تاہم مسلسل ڈرون حملوں سے کشیدگی میں واضح اضافہ ہو چکا ہے۔
یہ واقعہ اس بات کی گواہی دیتا ہے کہ فضاؤں میں خاموش جنگ شدت اختیار کر چکی ہے، جہاں ہر لمحہ ایک نیا خطرہ جنم لے رہا ہے ۔
