امیر جماعت اسلامی حافظ نعیم الرحمان نے کہا ہے کہ پیپلز پارٹی اسٹیبلشمنٹ کی پشت پناہی سے سندھ پر قابض ہے اور صوبے کے عوام کو بنیادی سہولیات سے محروم رکھا گیا ہے۔
لاہور میں منصورہ کے مرکزی تربیتی مرکز میں اندرونِ سندھ سے آئے ہوئے شرکاء سے خطاب کرتے ہوئے حافظ نعیم الرحمان نے کہا کہ سندھ میں سرداری نظام ایک ظالمانہ ڈھانچہ ہے، جو عوام کی ترقی میں سب سے بڑی رکاوٹ ہے۔
انہوں نے کہا کہ سندھ حکومت کے پاس تعلیم کے لیے سالانہ ساڑھے چار سو ارب روپے کا بجٹ ہونے کے باوجود تعلیم کا نظام تباہ حال ہے،صوبے کے اسکولوں میں جعلی بھرتیاں عام ہیں، جس کے باعث ایک کروڑ بچے اسکولوں سے باہر ہیں
امیر جماعت اسلامی نے مزید کہا کہ سندھ میں ڈاکوؤں کو بڑے سرداروں کی سرپرستی حاصل ہے اور وہ عوام کے وسائل پر قابض ہیں۔
حافظ نعیم الرحمان نےکہا کہ اداروں نے ایم کیو ایم اور پیپلز پارٹی کو کراچی کی ہاری ہوئی نشستیں بھی دلوائیں، ادارے کراچی میئر بنانے میں پی پی کاساتھ نہ دیتے تو تو یہ کراچی پر قابض نہیں ہوسکتی تھی،انہوں نے کہا کہ مقتدر حلقے بتائیں کہ کرپٹ عناصر کو فارم 47 کے ذریعے عوام پر کیوں مسلط کیا گیا؟
