اقوام متحدہ کے انسانی حقوق کے دفتر کا کہنا ہے کہ اسرائیل غزہ میں بڑے پیمانے پر غذائی قلت کو روکنے کے لیے ابھی تک خاطر خواہ اقدامات نہیں کر رہا ہے۔
جنیوا میں ترجمان تھمین الخیطان نے کہا کہ گزشتہ چند ہفتوں کے دوران اسرائیلی حکام نے صرف اتنی ہی مقدار میں امداد جانے دی جو ختم ہونے والی ہے۔
غذا کی ضرورت زیادہ ہے مگر کم مقدار میں پہنچی ہے، ابھی بھی بڑے پیمانے پر غذائی قلت کو روکنے کے لیے خوراک درکار ہے۔
الخیتان نے مزید کہا کہ فلسطینی انکلیو میں فاقہ کشی “انسانی امداد کو روکنے کی اسرائیلی حکومت کی پالیسی کا براہ راست نتیجہ ہے”۔
دوسری جانب اسرائیلی چینل 12 کی رپورٹ کے مطابق اسرائیل میں جنگ بندی کے لیے مظاہرے جاری ہیں ۔ مظاہرین نے اسیروں کی واپسی اور غزہ میں جنگ بندی کا مطالبہ کرنے کے لیے تل ابیب میں ہائی وے کو بند کر دیا ہے۔
کارکنوں اور میڈیا کے ذریعے نشر کیے گئے مناظر میں مظاہرین کو ایک بڑا بینر اٹھائے ہوئے دکھایا گیا جس پر لکھا تھا: “غزہ پر قبضے کا مطلب اغوا کاروں اور فوجیوں کی قربانی دینا ہے۔”
رہائی پانے والے اسیروں کے رشتہ داروں نے بھی اسرائیل کے جنوب کی طرف جانے والی ٹریفک کو روکا۔ مظاہرین نے غزہ شہر پر اسرائیل کی منصوبہ بند فتح کی مخالفت کی ہے۔
یہ مظاہرے ملک گیر ہڑتال کے دو دن بعد ہوئے ہیں۔۔
وفا نیوز ایجنسی کی رپورٹ کے مطابق اسرائیلی فورسز نے مقبوضہ مغربی کنارے میں متعدد چھاپوں میں مزید فلسطینیوں کو گرفتار کر لیا ہے۔
تلکرم کے قریب کئی چھاپوں کے دوران اسرائیلی فوج نے تین خواتین سمیت چھ افراد کو گرفتار کیا۔ ان میں بیت لحم کے قریب المنیہ کی ویلج کونسل کے سربراہ کے بھائی بھی ہیں۔
یاد رہے کہ سات اکتوبر 2023 کو حماس کی قیادت میں جنوبی اسرائیل پر حملے میں تقریباً 1,200 افراد ہلاک اور 251 کو یرغمال بنا لیا گیا تھا۔
جس کے جواب میں اسرائیل نے غزہ کے شہریوں کی خوفناک نسل کشی کی۔ وزارتِ صحت کے مطابق اب تک کم از کم 62 ہزار 4 افراد شہید ہوچکے ہیں۔
قطر نے تصدیق کی ہے کہ حماس نے غزہ کی جنگ بندی کی تجویز کا مثبت جواب دیا ہے، جس میں 60 روزہ جنگ بندی بھی شامل ہے، لیکن اسرائیل کی جانب سے ابھی تک کوئی جواب نہیں آیا ہے۔
