امریکی وزیر خارجہ مارکو روبیو نے اتوار کی شب برطانوی وزیر خارجہ ڈیوڈ لامی اور جرمن چانسلر فریڈرک مرز سے علیحدہ علیحدہ ٹیلیفونک گفتگو کی۔
گفتگو میں انہوں نے انڈیا اور پاکستان کے درمیان جاری کشیدگی اور یوکرین پر روسی حملے کے حوالے سے تبادلہ خیال کیا گیا۔
ڈیوڈ لامی سے بات چیت میں دونوں رہنماؤں نے انڈیا اور پاکستان پر زور دیا کہ وہ سیزفائر برقرار رکھتے ہوئے براہِ راست رابطے کو فروغ دیں۔
روبیو نے مؤقف اختیار کیا کہ امریکا دونوں ممالک کے درمیان براہِ راست مذاکرات کی مکمل حمایت کرتا ہے۔
دوسری جانب، جرمن چانسلر مرز کو عہدہ سنبھالنے پر مبارکباد دیتے ہوئے روبیو نے روس-یوکرین جنگ کے خاتمے کے لیے امریکا اور جرمنی کے مشترکہ عزم کو دوہرایا۔
اس کے علاوہ ان رابطوں کو خطے میں استحکام کے لیے اہم پیش رفت قرار دیا جا رہا ہے۔
