بلوچستان کے ضلع لسبیلہ کی تحصیل اوتھل کے قریب فقیرہ اسٹاپ پر مسافر کوچ اور دو پک اپ گاڑیوں کے درمیان خوفناک تصادم ہوا جس کے نتیجے میں 9 افراد جاں بحق اور 2 زخمی ہوگئے۔
جاں بحق افراد میں ایک پولیس اہلکار بھی شامل ہے جبکہ ایک پولیس اہلکار زخمی ہوا۔
لاشوں اور زخمیوں کو فوری طور پر سول اسپتال اوتھل اور بیلہ منتقل کیا گیا۔ ابتدائی رپورٹ کے مطابق حادثہ تیز رفتاری کے باعث پیش آیا۔
حادثے کا شکار مسافر کوچ کوئٹہ سے کراچی جارہی تھی جبکہ دونوں پک اپ گاڑیاں کراچی سے خضدار کی طرف رواں تھیں۔
جاں بحق اور زخمی ہونے والے پولیس اہلکار پک اپ گاڑی میں اوتھل سے بیلہ جارہے تھے۔
مزید پڑھیں: عام آدمی حقیقی نمائندوں سے محروم ، پنجاب میں بلدیاتی انتخابات کیوں ضروری ہیں ؟
ریسکیو حکام کے مطابق جائے حادثہ پر فوری کارروائی کی گئی، تاہم تصادم کی شدت کے باعث بھاری جانی نقصان ہوا۔
