آل پاکستان صرافہ جیمز اینڈ جیولرز ایسوسی ایشن کے مطابق عالمی مارکیٹ میں اضافے کے اثرات کے باعث مقامی صرافہ بازاروں میں کاروباری ہفتے کے چوتھے روز فی تولہ سونے کی قیمت میں 11 ہزار 200 روپے کا اضافہ ہوا، جس کے بعد فی تولہ سونا 4 لاکھ 65 ہزار 236 روپے کا ہوگیا۔
اسی طرح 10 گرام سونے کی قیمت میں 9 ہزار 602 روپے کا اضافہ ہوا، جس کے بعد اس کی نئی قیمت 3 لاکھ 98 ہزار 864 روپے کی سطح پر آگئی۔
چاندی کی قیمت میں بھی اضافہ ریکارڈ کیا گیا اور فی تولہ چاندی 185 روپے مہنگی ہونے کے بعد 7 ہزار 440 روپے کی ہوگئی۔
دوسری جانب بین الاقوامی بلین مارکیٹ میں فی اونس سونے کی قیمت 112 ڈالر بڑھ کر 4 ہزار 427 ڈالر کی سطح پر پہنچ گئی۔
واضح رہے کہ گزشتہ روز 2 ستمبر کو فی تولہ سونا 11 ہزار 300 روپے سستا ہوا تھا، جس کے بعد اس کی قیمت 4 لاکھ 54 ہزار 36 روپے ہوگئی تھی، جبکہ 10 گرام سونا 9 ہزار 688 روپے کی کمی کے بعد 3 لاکھ 89 ہزار 262 روپے کا ہوگیا تھا۔
اس سے ایک روز قبل یکم ستمبر کو بھی فی تولہ سونے کی قیمت میں 800 روپے کمی ہوئی تھی اور یہ 4 لاکھ 65 ہزار 336 روپے پر آگئی تھی۔ 10 گرام سونے کی قیمت 686 روپے کم ہوکر 3 لاکھ 98 ہزار 950 روپے ہوگئی تھی۔
31 اگست کو فی تولہ سونا 1800 روپے سستا ہوکر 4 لاکھ 66 ہزار 136 روپے جبکہ 10 گرام سونا 1543 روپے کی کمی کے بعد 3 لاکھ 99 ہزار 636 روپے کا ہوگیا تھا۔
29 اگست کو فی تولہ سونے کی قیمت میں 15 ہزار 100 روپے جبکہ 10 گرام سونے کی قیمت میں 12 ہزار 946 روپے کی بڑی کمی ہوئی تھی، جس کے بعد فی تولہ سونا 4 لاکھ 67 ہزار 936 روپے اور 10 گرام سونا 4 لاکھ 1 ہزار 179 روپے کا ہوگیا تھا۔
27 اگست کو بھی فی تولہ سونا 3 ہزار 500 روپے سستا ہوکر 4 لاکھ 83 ہزار 36 روپے، جبکہ 10 گرام سونا 3 ہزار 100 روپے کی کمی کے بعد 4 لاکھ 14 ہزار 125 روپے کا ہوگیا تھا۔
ماہرین کے مطابق عالمی مارکیٹ میں سونے کی قیمت، امریکی ڈالر کی قدر، شرح سود سے متعلق توقعات، مرکزی بینکوں کی پالیسیاں، افراطِ زر کے خدشات اور عالمی سیاسی کشیدگی جیسے عوامل پاکستان میں سونے کی قیمتوں پر براہِ راست اثر انداز ہوتے ہیں۔
صرافہ ڈیلرز کا کہنا ہے کہ عالمی مارکیٹ میں قیمتوں میں مزید کمی کی صورت میں مقامی سطح پر بھی سونا سستا ہوسکتا ہے، تاہم عالمی معاشی یا سیاسی غیر یقینی صورتحال میں اضافہ ہوا تو سونے کی قیمت دوبارہ بڑھنے کا امکان موجود ہے۔
زیورات کی خریداری کرنے والے شہریوں کا کہنا ہے کہ قیمت میں حالیہ کمی کے باوجود سونا عام خریدار کی پہنچ سے کافی دور ہے، تاہم قیمتوں میں مزید کمی ہوئی تو شادی بیاہ کے سیزن سے قبل خریداری میں اضافہ ہوسکتا ہے۔
