خبر رساں ادارے کے مطابق فائر بریگیڈ کا کہنا ہے کہ عمارت کا تقریباً تین چوتھائی حصہ آگ کی لپیٹ میں آچکا تھا، جب کہ بریگیڈ نے تین ٹرن ٹیبل لیڈر گاڑیاں بھی تعینات کیں تاکہ عملہ اونچائی سے مؤثر انداز میں آگ پر قابو پا سکے۔

فائر بریگیڈ نے قریبی رہائشیوں کو مشورہ دیا کہ وہ دھوئیں کی بڑی مقدار کے باعث اپنے دروازے اور کھڑکیاں بند رکھیں۔ ادارے نے خبردار کیا کہ واقعے کے باعث قریبی سڑکوں پر ٹریفک کی روانی بھی متاثر ہوگی۔

ایل ایف بی کے مطابق گودام میں آگ لگنے کی ابتدائی اطلاع صبح 8:55 بجے موصول ہوئی، جب کنٹرول روم کو اس حوالے سے تقریباً 60 الگ الگ کالز موصول ہوئیں۔

بریگیڈ نے اپنے ایکس (سابق ٹوئٹر) پیغام میں کہا کہ یہ ایک طویل آپریشن ہوگا اور عملہ پورے دن آگ بجھانے، ٹھنڈا کرنے اور ممکنہ خطرات کو ختم کرنے میں مصروف رہے گا۔

آگ لگنے کی وجہ تاحال سامنے نہیں آسکی اور تحقیقات جاری ہیں۔