گزشتہ دنوں میاں نواز شریف نے آزاد کشمیر میں ایک انتخابی جلسے سے خطاب کرتے ہوئے کہا تھا کہ کشمیر کو کشمور نہ سمجھنا، یہ میرپور ہے، میرپور خاص نہیں۔ انہوں نے مزید کہا تھا کہ بلاول برخوردار، بات کا برا نہ ماننا، پارٹیوں میں نوک جھونک ہونی چاہیے مگر لڑائی اور مار کٹائی نہیں ہونی چاہیے۔

نواز شریف کو انہی کے انداز میں جواب دیتے ہوئے بلاول بھٹو نے کہا کہ میاں صاحب، برا نہ منائیں، کشمیر اور کشمور، میرپور اور میرپور خاص صرف نام ہی نہیں بلکہ مزاج میں بھی ایک دوسرے سے ملتے جلتے ہیں۔ ان شہروں کے عوام کسی کو اپنے حقوق پر سیاسی ڈاکا نہیں ڈالنے دیں گے۔

چیئرمین پیپلز پارٹی نے کہا کہ جس طرح گزشتہ انتخابات میں کشمیر اور کشمور کے عوام نے مسلم لیگ (ن) کو مسترد کیا تھا اور جس طرح ماضی میں میرپور آزاد کشمیر اور میرپور خاص میں ن لیگ کا صفایا ہوا تھا، آنے والے انتخابات میں بھی عوام یہی فیصلہ دہرائیں گے۔

بلاول بھٹو نے مزید کہا کہ میاں صاحب، برا نہ منائیں، 27 جولائی کو کشمیر میں تیر سے شیر کا شکار ہوگا۔